Кинескиот режим со нови закани кон Тајван: Пекинг сѐ поагресивен, Тајпеј останува непоколеблив

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Кинескиот режим со нови закани кон Тајван: Пекинг сѐ поагресивен, Тајпеј останува непоколеблив

18 септември 2025

• од Гоце Кически

Кинескиот министер за одбрана Донг Џун денес повторно упати закани дека неговата земја ќе ја заземе демократски управуваната и суверена држава Тајван, отворајќи го безбедносниот форум „Сјангшан“ во Пекинг, јави Associated Press, пренесе БТА.

„Враќањето на Тајван во прегратките на Кина е составен дел од повоениот меѓународен поредок,“ изјави Донг пред странски воени делегации. Но ваквите ставови, длабоко вкоренети во идеологијата на Комунистичката партија на Кина, не наоѓаат никаква поткрепа во меѓународното право ниту во волјата на тајванскиот народ.

Пекинг упорно го третира Тајван како отцепена провинција и постојано се заканува со употреба на сила за „обединување“. Во последните години, Кина ја зголеми воената агресија – секојдневно испраќајќи воени бродови и авиони во близина на островот.

Спротивно на тоа, тајванскиот претседател Вилијам Лај и неговата владејачка Демократска прогресивна партија решително ги отфрлаат претензиите на Пекинг. Тие нагласуваат дека Тајван е суверена држава чија иднина единствено може да ја одлучи нејзиниот народ, преку демократски процес.

„Кина никогаш нема да дозволи било каков обид за тајванска независност да успее,“ тврдеше Донг, алудирајќи и на „надворешните воени интервенции“ – директна критика кон Соединетите Држави и нивните сојузници кои ѝ пружаат поддршка на тајванската демократија.

Додека Комунистичката партија се обидува да се претстави како „сила за мир и стабилност“, реалноста ја демантира – токму Пекинг е изворот на нестабилноста во Индо-Пацификот. Демократскиот Тајван, со својата слободна економија и независни институции, претставува пример за тоа дека кинескиот народ може да живее во слобода, надвор од стегите на еднопартиската диктатура.

Со сѐ поагресивната реторика и воени маневри на Пекинг, меѓународната заедница е повикана да ја поддржи тајванската демократија и правото на самоопределување, а не да дозволи авторитарниот режим во Кина да ја крши слободата и безбедноста на народот на островот.