Ковачев за „македонскиот идентитет“: Европскиот парламент не е Академија на науките

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Ковачев за „македонскиот идентитет“: Европскиот парламент не е Академија на науките

09 јули 2025

• од Станча Јаќимовски

Во интервју за бугарската телевизија БТВ, европратеникот од Европската народна партија (ЕНП), Андреј Ковачев, остро реагираше на формулациите поврзани со историјата во извештајот за напредокот на Македонија кон Европската Унија. Тој изјави дека Европскиот парламент не треба да се претставува како научна институција и нагласи:
„Европскиот парламент не е Академија на науките, ниту институт за историја или лингвистика за да дава оценки за историски прашања.“

Ковачев изрази и незадоволство од начинот на кој се подготвуваат извештаите, тврдејќи дека некои формулации се појавиле без јасно потекло и надвор од институционален контекст. „Извештајот стана терен за лобизам“, истакна тој, потенцирајќи дека одредени делови од текстот, особено оние што се однесуваат на историските личности, не припаѓаат на официјален европски документ.

Тој го критикуваше и спомнувањето на личности како Гоце Делчев, Дамјан Груев и браќата Миладинови, наведувајќи дека се дел од заедничката историја на Македонија и Бугарија. „Во договорот пишува дека имаме заедничка историја. Јасно е дека наративот за историјата е клучен, затоа што кој ја контролира историјата, ја контролира сегашноста и иднината“, изјави Ковачев.

Во сличен тон, се огласи и Љупчо Ѓоргиевски, поранешен претседател на веќе избришаниот културен клуб „Иван Михајлов“. Тој смета дека Скопје само декларативно се движи кон ЕУ, без вистински напредок, особено во однос на човековите права. „Македонските Бугари најмногу сакаме Македонија да оди по европскиот пат, но правата на Македонските Бугари се еднакви на нула“, рече Ѓоргиевски.

Тој ја обвини македонската држава за репресија и дискриминација кон бугарското малцинство, наведувајќи случаи на палење клубови, физички напади, затворање на здруженија и судски процеси. Ѓоргиевски беше осуден условно на една година затвор поради објава на Фејсбук, што тој го оцени како сериозен удар врз слободата на изразување.

„Во 21 век да те осудат за статус на Фејсбук – тоа не е пат кон Европа. Тоа повеќе личи на пат Москва-Белград-Скопје“, истакна тој.

Ѓоргиевски обвини дека договорите со Бугарија се користат како привремена маска пред европските институции, без вистинска намера за спроведување: „Тоа беше маска за пред Европа да се прикажеме како конструктивни и да ја излажеме и Бугарија и ЕУ.“

Изјавите на Ковачев и Ѓоргиевски повторно ја отворија дебатата околу историјата, идентитетот и човековите права како клучни прашања на патот на Македонија кон Европската Унија.