Мадона за Србија: Медиумите не ви покажуваат најголемо студентско движење од 1968

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Мадона за Србија: Медиумите не ви покажуваат најголемо студентско движење од 1968

02 февруари 2025

• од Гоце Кически

Американската пејачка и актерка, Мадона, објави на социјалните мрежи дека ги поддржува студентските протести кои што вчера се одржаа во Нови Сад, каде десетици илјади луѓе поминаа ноќта на отворено, барајќи системски промени и намалување на корупцијата во српската влада.

Мадона сподели видео од протестите на нејзиниот Instagram профил, заедно со нејзиниот хит „Like a Prayer“. Таа напиша: „Тоа што медиумите не ви го кажуваат е дека во овој момент во Србија се одржува еден од најголемите студентски протести од 1968 година навака“. Во објавата е вклучен и снимка од дрон, на која се гледа големото мнозинство на протестирачки маси.

„Професори и наставници се придружија на студентите во нивните протести и владата ги заканува со отпуштање. Ова е сериозен проблем“, се додава во публикацијата на Мадона.

Пејачката исто така апелираше: „Мораме да ја разгласиме оваа ситуација и да ги поддржиме студентите и народот во Србија. Ние сме зад Србија“.

Денес се очекува да се донесе одлука дали ќе биде продолжена 24-часовната блокада на Мостот на слободата во Нови Сад, како дел од кампањата „Три месеци - три моста“, која е дел од протестите.

Мостот на слободата е еден од трите моста над реката Дунав, кои беа блокирани вчера како дел од една од најголемите демонстрации во Србија од почетокот на протестите. Симболично, протестите го одбележуваат третиот месец од трагичниот инцидент кога при срушување на бетонската козирка на железничката станица во Нови Сад загинаа 15 лица.