Макрон: Европејците никогаш нема да ја напуштат Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Макрон: Европејците никогаш нема да ја напуштат Украина

09 јули 2025

• од Станча Јаќимовски

Францускиот претседател Емануел Макрон порача дека Европа цврсто стои зад Украина и дека нема да дозволи таа да остане сама во борбата за својата слобода. Обраќајќи се пред британскиот парламент за време на својата тридневна официјална посета на Обединетото Кралство, Макрон потенцираше дека судбината на Европа е тесно поврзана со она што се случува во Украина.

„Во Украина се одлучува за нашата безбедност, за нашите вредности и за можноста за траен мир во Европа“, изјави францускиот претседател. Неговото обраќање беше пренесено преку официјалниот профил на Елисејската палата на социјалната мрежа X.

Макрон нагласи дека Париз и Лондон имаат заедничка одговорност да ѝ помагаат на Украина, и дека нивната соработка е клучна за зачувување на европската стабилност.

Во своето излагање, тој ја подвлече важноста на заштитата на меѓународниот поредок воспоставен по Втората светска војна, повикувајќи на посилна соработка меѓу Велика Британија и Франција.

„Двете нации мора повторно да му покажат на светот дека нивниот сојуз може да биде пресуден за иднината“, рече Макрон.

Францускиот претседател, исто така, предупреди на прекумерната економска зависност од САД и Кина – земји кои, според него, не ги почитуваат принципите на фер и отворена трговија.

„Немаме друг избор ако сакаме да изградиме одржлива иднина за нашите деца. Мора да ја намалиме зависноста и да создадеме поотпорни економии и општества. Сакаме отворен свет и соработка – но не и зависност“, додаде Макрон.

Во својата порака до британските пратеници, Макрон повика на заедничко делување за справување со глобалните предизвици, истакнувајќи дека само преку партнерство, Европа може да биде фактор на стабилност, сигурност и просперитет.