Макрон, Мерц и Туск во посета на Молдавија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Макрон, Мерц и Туск во посета на Молдавија – суптилна порака до Путин

22 август 2025

• од Гоце Кически

Еден месец пред парламентарните избори во Молдавија, лидерите на Франција, Германија и Полска ќе ја посетат земјата со јасна порака до Москва.

Францускиот претседател Емануел Макрон, германскиот канцелар Фридрих Мерц и полскиот премиер Доналд Туск во среда ќе отпатуваат во Кишињев за да го одбележат Денот на независноста на Молдавија, соопштија кабинетите на Макрон и Мерц.

„Лидерите ќе ја потврдат својата целосна поддршка за безбедноста, суверенитетот и европскиот пат на Молдавија,“ стои во соопштението од Елисејската палата.

Посетата се одвива еден месец пред парламентарните избори во земјата, закажани за 28 септември, и претставува предупредување до Русија која е обвинета дека се обидува да го попречи проевропскиот курс на Кишињев и да влијае на изборниот процес во корист на Кремљ.

Русија ги засилува напорите за влијание врз молдавската дијаспора низ Европа, ширејќи дезинформации и лажни вести, изјави минатиот месец шефот на националната безбедност на Молдавија, Станислав Секриеру, за „Политико“.

Претседателските избори минатата година, на кои либералната лидерка Маја Санду беше реизбрана, беа засенети со обвинувања за руско мешање. Москва исто така го таргетираше и референдумот за членство во ЕУ, на кој Молдавците со тесно мнозинство гласаа „за“.

Во јули, Санду предупреди на „невидено мешање во изборите“ пред септемвриското гласање.
„Руската Федерација сака да ја контролира Република Молдавија од есен натаму,“ изјави таа.

Во меѓувреме, европските земји разгледуваат отворање на првиот „клучен кластер“ во преговорите со Молдавија – важен правен чекор кон полноправно членство во Европската Унија – веќе на почетокот на следниот месец, по состанокот на министрите на ЕУ, според тројца дипломати и еден официјалец на Унијата.

Овој потег би можел да испрати сигнал до проевропските гласачи во Молдавија, но носи и ризик од незадоволство во Украина, чиј процес за членство останува блокиран од Унгарија. Двете земји се движат паралелно во своите интегративни процеси уште од 2023 година, кога Европскиот совет им даде почетно „зелено светло“.