Макрон од Тирана: Вашата земја е во ЕУ 2027 година е реалност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Макрон од Тирана: Вашата земја е во ЕУ 2027 година е реалност

17 мај 2025

• од Вардарски

Во рамки на официјалната посета на Тирана, францускиот претседател Емануел Макрон изрази цврста поддршка за интеграцијата на Албанија во Европската Унија. Настапувајќи заедно со албанскиот премиер Еди Рама на заедничка прес-конференција, Макрон го пофали напредокот на Албанија и истакна дека 2027 година не е само перспектива, туку реалност за земјата во контекст на нејзиното членство во ЕУ.

„Сакаме да одиме уште подалеку, бидејќи местото на Албанија е во Европската Унија. Цврсто сум уверен дека европскиот континент може да се обедини за да се справи со заедничките предизвици. Албанија покажа многу, постигна значителен напредок. Патот кон ЕУ е јасен. Франција ќе биде со вас во овие реформи, за вашите заслуги да бидат признати и да се одржи агендата. Ќе ги чувате вашите цели, а ние нашите. 2027 не е перспектива – тоа е реалност,“ изјави Макрон.

Тој исто така се заблагодари за гостопримството и пријателството меѓу двете земји, потенцирајќи дека Албанија „го покажува патот на извонреден начин“.

На почетокот од своето обраќање, францускиот претседател му честиташе на премиерот Рама за изборната победа на 11 мај, нарекувајќи го мандатот значаен не само за него, туку и за цела Европа.

„Ви благодарам за довербата што ја добивте на изборите. Вашето реизбирање е од огромно значење, не само за вас лично, туку и за сите нас. Овој мандат ќе овозможи продолжување на амбициозната агенда која вашата земја ја посакува веќе со години,“ додаде Макрон.

Посетата на Макрон на Албанија претставува јасен сигнал за засилена француска поддршка кон проширувањето на Европската Унија кон Западен Балкан и конкретна потврда за европските аспирации на Албанија.