Макрон: Украина е подготвена за примирје, сега е редот на Русија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Макрон: Украина е подготвена за примирје, сега е редот на Русија

27 април 2025

• од Вардарски

Францускиот претседател Емануел Макрон објави на социјалната мрежа X дека Украина е подготвена за безусловно примирје, и дека сега е време Русија да покаже дека навистина сака мир.

„Имав многу позитивен разговор денес со претседателот Зеленски во Рим. Целта што ја споделуваме со претседателот Трамп е крај на војната во Украина“, напиша Макрон.

Тој додаде дека украинскиот претседател Володимир Зеленски уште еднаш ја потврдил подготвеноста за прекин на огнот и дека сака да работи заедно со американските и европските партнери. Според Макрон, сега одговорноста е кај рускиот претседател Владимир Путин.

„Ќе продолжиме да работиме преку Коалицијата на желните, формирана во Париз во март оваа година, со цел да постигнеме и примирје и целосен, траен мир во Украина“, истакна францускиот претседател.

Инаку, во Рим се одржа и важна средба меѓу претседателите Трамп и Зеленски, кои беа присутни на погребот на папата Франциск. Според информации од Белата куќа, нивниот состанок бил оценет како „многу продуктивен“, иако не беа објавени многу детали. Средбата се одржала непосредно пред погребната церемонија во базиликата „Свети Петар“ и траела околу 15 минути.

Подоцна беа објавени фотографии на кои се гледаат заеднички разговори меѓу Трамп, Зеленски, Макрон и британскиот премиер Киер Стармер. Директорот на комуникациите на Белата куќа, Стивен Ченг, изјави дека двајцата лидери се договориле повторно да се сретнат по завршувањето на церемонијата.

Ова беше прва директна средба меѓу Зеленски и Трамп по напнатата средба од 28 февруари во Белата куќа.

Во меѓувреме, пратеникот на Доналд Трамп, Стив Виткоф, на 25 април допатува во Москва, каде што се сретна со рускиот претседател Владимир Путин на разговор кој траел три часа. Тема на средбата било постигнувањето примирје во Украина. По разговорите, американскиот претседател Трамп изјави дека Киев и Москва се „многу блиску до договор“, иако разликите во нивните позиции сè уште се присутни. Трамп повика на организирање директна средба меѓу украинското и руското раководство за да се постигне конечен договор.