Meрц и Фредериксен: Европа мора брзо да се вооружи по заканите на Русија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Meрц и Фредериксен: Европа мора брзо да се вооружи по заканите на Русија

12 јуни 2025

• од Тодор Вангелов

Германскиот канцелар Фридрих Мерц ја пречека данската премиерка Мете Фредериксен во Федералната канцеларија во Берлин, каде што водечките теми на разговор беа руската инвазија врз Украина, миграцијата, билатералните односи и глобалната трговија.

Коментирајќи ги неодамнешните руски напади врз Украина, Мерц изјави дека секој што реално ја согледува ситуацијата мора да признае дека „Русија претставува закана за безбедноста“ на целиот НАТО-сојуз.

Во пресрет на самитот на НАТО во Хаг, Мерц нагласи дека „Русија е ризик за безбедноста од двете страни на Атлантикот“ и истакна дека сојузниците ќе разговараат за „историско“ зголемување на трошоците за одбрана во светло на заканата што Кремљ ја претставува за Европа.

„Заедно ќе го зајакнеме европскиот столб на НАТО“, рече Мерц.

Премиерката Фредериксен се согласи со ставот на канцеларот, нагласувајќи дека Европа мора што побрзо да ги зајакне своите одбранбени капацитети.

„Мораме повторно да ја изградиме нашата европска одбранбена индустрија, а германската индустрија игра клучна улога во тоа“, рече Фредериксен.
„Да ја вооружиме Европа, и тоа брзо“, додаде таа.

Двајцата лидери разговараа и за миграцијата, каде што искажаа заеднички став за потребата од построги политики.

„Не можеме да прифатиме секого што сака да дојде во Европа. Тоа мора да биде демократска одлука – кој може да влезе во нашите демократски општества“, изјави Фредериксен.

Канцеларот Мерц ја пофали миграциската политика на Данска, нарекувајќи ја „вистински пример за останатите“, и додаде дека заедно се движат кон нови и построги правила за азил на ниво на Европската Унија.

Во врска со репатријацијата на мигрантите, Мерц посочи дека, доколку е потребно, „ќе се направат соодветни измени во законската рамка“.

Разговорот ги опфати и предизвиците во глобалната трговија, која е значително дестабилизирана од политиките на американскиот претседател Доналд Трамп, вклучувајќи ги глобалните царини што доведоа до потреси на берзите.

Мерц го поздрави новиот трговски договор меѓу САД и Кина, истакнувајќи дека тоа претставува позитивен чекор во ублажувањето на тензиите и решавањето на трговските спорови.

„Го поздравувам фактот дека е постигнат договор меѓу Америка и Кина, и искрено се надевам дека ќе успееме да постигнеме слични договори со Америка – на пример, во врска со царините“, рече Мерц.

Меѓу темите беше и повторното изразување интерес на Доналд Трамп за Гренланд – арктичка територија под суверенитет на Данска.

„Принципот на неповредливост на границите е дел од меѓународното право и не е предмет на дискусија“, рече Мерц. „Стоиме цврсто покрај нашите дански пријатели и ќе продолжиме така.“

Премиерката Фредериксен повторно ги отфрли изјавите на Трамп, инсистирајќи дека Гренланд не е на продажба и дека неговиот суверенитет не е преговарачки.

„Суверенитетот на државите, територијалниот интегритет, па и иднината на Гренланд, може да ја одлучи само народот на Гренланд“, рече таа.
„Мислам дека Трамп беше сериозен кога зборуваше за Гренланд – но морам да кажам дека и ние сме сериозни.“