Мерц: Путин се подготвува за нова војна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Мерц: Путин се подготвува за нова војна

28 август 2025

• од Станча Јаќимовски

Германскиот канцелар Фридрих Мерц денеска предупреди дека капитулацијата на Украина би била погрешен чекор кој само ќе ѝ даде време на Русија и на претседателот Владимир Путин да се подготват за нова агресија.

„Оваа војна мора да заврши. Но, не по секоја цена. Не сакаме Украина да капитулира. Таквата капитулација само ќе ѝ даде време на Русија, а Путин ќе го искористи тоа време за да се подготви за следната војна“, изјави Мерц на заедничката прес-конференција во Кишињев, заедно со полскиот премиер Доналд Туск, францускиот претседател Емануел Макрон и молдавската претседателка Маја Санду, пренесува Гардијан.

Поддршка за Молдавија

Канцеларот ја нагласи посветеноста на Германија и Европската Унија кон Молдавија, истакнувајќи дека „вратите на ЕУ остануваат отворени“ за земјата. Тој најави и дополнителна поддршка преку испраќање германски експерти кои ќе помогнат во спроведувањето на неопходните реформи.

Мерц ја истакна важноста на зачувувањето на слободата и суверенитетот на земјите во регионот, особено во услови на засилени обиди на Москва да влијае врз демократските процеси во Молдавија.

Европска солидарност

Претседателката на Молдавија, Маја Санду, денес беше домаќин на тројцата европски лидери, во рамки на одбележувањето на 34-годишнината од независноста на земјата во 1991 година. Настанот беше уште една потврда на солидарноста и блиската соработка на Европа во справувањето со безбедносните закани кои произлегуваат од агресивната политика на Русија.