Минималната плата во Бугарија догодина ќе надмине 600 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Минималната плата во Бугарија догодина ќе надмине 600 евра

11 јули 2025

• од Станча Јаќимовски

Од 2025 година, минималната месечна плата во Бугарија се очекува да надмине 600 евра, ако остане во сила постојниот механизам за нејзино утврдување. Според актуелната формула, минималната плата ќе достигне околу 1.200 лева, што е приближно 613 евра според моменталниот девизен курс. Ова го соопшти министерот за труд и социјална политика, Борислав Гуцанов, во контекст на транспонирањето на европската Директива за соодветни минимални плати.

Гуцанов истакна дека очекува конструктивен дијалог меѓу синдикатите и работодавачите, со цел да се постигне „златна средина“ која ќе биде во корист и на работниците и на економијата. Тој потврди дека механизмот за утврдување на минималната плата е функционален, и дека ако не се постигне договор меѓу засегнатите страни, платата ќе се пресметува според веќе утврдената законска формула.

„Не заостануваме зад директивата – напротив, целосно ја исполнуваме,“ изјави министерот, нагласувајќи дека четири клучни механизми треба да бидат дел од разговорите и процесот на договарање. Според него, дијалогот меѓу синдикатите и работодавачите е обновен и постојано се водат средби.

Во моментов, минималната месечна плата во Бугарија изнесува 1.077 лева. За следната година, истата треба да биде утврдена до 1 септември 2024 година и се пресметува како 50% од просечната бруто плата за период од 12 месеци – вклучувајќи ги последните два квартала од претходната и првите два квартала од тековната година.

Од друга страна, синдикатите и работодавачите сè уште не постигнале консензус околу моделот за утврдување на минималната плата. Претседателот на Конфедерацијата на синдикати „Подкрепа“, Димитар Манолов, изјави дека разговорите продолжуваат и оваа недела, но засега нема договор.

Критики стигнуваат и од дел од работодавачките организации. Ивелин Жељазков од Здружението на индустриски капитал во Бугарија оцени дека моменталната автоматска формула сериозно ја нарушува суштината на социјалниот дијалог, и дека постапката запишана во Законот за работни односи не е во интерес ниту на работниците, ниту на работодавачите.

Иако официјалната бројка за следната минимална плата ќе се знае дури во септември, веќе сега е јасно дека платите во Бугарија продолжуваат да се приближуваат кон просечните европски стандарди.