Најстарото вино во Европа откриено во Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Најстарото вино во Европа откриено во Бугарија

20 август 2025

• од Станча Јаќимовски

Археолозите направија сензационално откритие во Бугарија, во селищната могила „Јунаците“ кај Пазарџик – пронајдени се најраните докази за производство на вино во Европа, стари околу 7000 години.

Археолошко откритие од светско значење

Наодите доаѓаат од куќа од камено-медената епоха, уништена од пожар во петтото милениумие пред нашата ера. Меѓу изгорените остатоци археолозите во Бугарија пронашле јагленисани растителни остатоци – пченица, јачмен, леќа, наут, јаболка, круши, дренки и грозје.

Во една од куќите биле најдени повеќе од три илјади семки од грозје во близина на два керамички садови. Анализите укажуваат дека таму се произведувала гроздова напивка – најверојатно вино. Според научниците, ова се најраните досега познати докази за винопроизводство не само на Балканот, туку и во цела Европа.

„Градот на птиците“ – богатство на бугарската археологија

Могилата „Јунаците“, позната и како „Градот на птиците“, е еден од најзначајните праисториски локалитети во Бугарија. Истражувана со децении, таа ја открива високоразвиената култура што живеела таму пред илјадници години.

Жителите биле мајстори на керамиката и металургијата. Садовите за вино биле украсени со графитни орнаменти, карактеристични за камено-медената епоха. Пронајдени се и златни накити, како и докази за трговска мрежа што поврзувала различни краишта: сол од Провадија, кремен од североисточна Бугарија и накити од школки од Егејското Море.

Уметност и ритуали во древна Бугарија

Куќите во „Јунаците“ биле пространи и украсени со обоена ѕидна малтериска обвивка во црвено и бело. Геометриските мотиви – ромбови, спирали и меандри – можеби имале магиска функција.

Пронајдени се и над четириесет ашици (кости од овци), кои најверојатно биле користени за игри или ритуали. Женски фигурини од коска и глина сведочат за култот кон божицата-мајка и неолитните модни традиции.

Крајот на една цивилизација

Цивилизацијата во „Градот на птиците“ во Бугарија постоела со векови, но на крајот од халколитот била уништена од номадски племиња од степите.

Иако згаснала, културата Марича – чиј симбол биле птиците – оставила зад себе богато наследство: стотици фигурини и најстарото вино во Европа, пронајдено токму во Бугарија.