Напаѓачот од Сиднеј бил член на српски ловечки клуб „Застава“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Напаѓачот од Сиднеј бил член на српски ловечки клуб „Застава“

15 декември 2025

• од Станча Јаќимовски

Австралиските власти најавија итна реформа на законите за оружје по шокантното откритие дека Саџид Акрам (50), осомничен за смртоносниот напад на плажата Бонди во Сиднеј, бил легален сопственик на шест парчиња огнено оружје. Акрам и неговиот син Навид (24) се обвинети за терористички напад врз еврејската заедница за време на одбележувањето на Ханука, при што загинаа 16 лица, а десетици беа повредени.

Комесарот на полицијата во Нов Јужен Велс, Мал Лејнион, потврди дека Акрам поседувал дозвола за оружје уште од 2015 година. „Таткото имал важечка дозвола за оружје од 2015 година и легално поседувал шест парчиња огнено оружје“, изјави Лејнион, додавајќи дека целото оружје е запленето и ставено под полициска контрола.

Според полициските информации, Акрам бил член на ловечки клуб. Подоцнежната истрага утврди дека станува збор за ловечкиот клуб „Застава“, со седиште во предградието Бонериг, на помалку од два километри од неговиот дом. Клубот во Сиднеј е воден од припадници на српската заедница.

Истражителите откриле и дека таткото и синот редовно вежбале пукање на стрелиштето во Сесил Парк. Во тек е балистичка и форензичка истрага која треба да утврди дали запленетото оружје е истото за кое Акрам имал дозвола и дали било користено во нападот. Во паричникот на 24-годишниот Навид била пронајдена членска картичка од ловечкиот клуб, но засега нема официјална потврда дека и тој бил регистриран член.

Повеќе оружје отколку пред масакрот во Порт Артур

Случајот повторно ја отвори дебатата за контролата на оружјето во Австралија. Во Нов Јужен Велс моментално се регистрирани повеќе од 1,1 милион парчиња огнено оружје, при што околу една третина се наоѓаат во предградијата на Сиднеј. Особено загрижувачки е фактот дека денес во Австралија има повеќе оружје отколку пред масакрот во Порт Артур во 1996 година, кога беа убиени 35 лица.

Тој трагичен настан ја поттикна тогашната влада да го усвои Националниот договор за огнено оружје и да спроведе масовна програма за откуп, со која од употреба беа повлечени околу 650.000 парчиња оружје. Сепак, податоците на Australia Institute од мај годинава покажуваат дека денес во земјата има над четири милиони регистрирани приватни парчиња оружје — што е за околу 800.000 повеќе отколку пред спроведувањето на програмата за откуп.

Австралиските власти најавуваат дека најновиот напад ќе биде повод за темелна ревизија на постојните законски решенија, со цел да се спречат идни трагедии и да се зајакне јавната безбедност.