Нетанјаху со жесток говор во ОН: Никогаш нема да дозволиме терористичка држава покрај Ерусалим

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Нетанјаху со жесток говор во ОН: Никогаш нема да дозволиме терористичка држава покрај Ерусалим

26 септември 2025

• од Тодор Вангелов

Израелскиот премиер Бенјамин Нетанјаху од говорницата на Обединетите нации упати жестока критика кон светските лидери кои одлучија да ја признаат Палестина, оценувајќи дека со тоа ѝ се дава „најголемата награда на нетолерантните фанатици кои го извршија и поддржаа масакрот на 7 октомври“.

„Да им дадеш држава на Палестинците еден километар од Ерусалим после 7 октомври е исто како да им дадеш држава на Ал Каеда еден километар од Њујорк после 11 септември. Тоа е лудост. Ние нема да дозволиме тоа да се случи,“ порача премиерот.

Со видлива лутина, Нетанјаху јасно ја испрати својата порака: „Сакам да им порачам на тие западни лидери – Израел нема да дозволи некој да ни наметне терористичка држава. Ние нема да извршиме национално самоубиство само затоа што некои немаат храброст да ѝ се спротивстават на непријателската медиумска кампања и на антисемитските толпи кои ја бараат крвта на Израел.“

Тој нагласи дека ова не е само негов личен став или став на коалицијата, туку јасно изразена волја на израелскиот народ. „Минатата година во Кнесетот се гласаше дали да се дозволи формирање палестинска држава. Од 120 пратеници, 99 беа против, а само девет за. Тоа се повеќе од 90 проценти,“ потсети премиерот.

„Ова не е екстремна позиција, не е позиција на неколку партии, ова е државна политика и волја на народот на Израел,“ подвлече Нетанјаху.

Завршувајќи го својот говор, премиерот испрати јасна порака: „Западните лидери може и да попуштиле под притисок, но едно нешто можам да ви гарантирам – Израел нема.“