Нови појавувања на неидентификувани дронови над Данска

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Нови појавувања на неидентификувани дронови над Данска

28 септември 2025

• од Тодор Вангелов

Нови неидентификувани дронови беа забележани над Данска во текот на ноќта меѓу петок и сабота, само неколку дена по големото нарушување на воздушниот сообраќај кога поради дронови беа затворени главните аеродроми во земјата. Данските власти инцидентот го нарекоа „хибриден напад“.

Министерството за одбрана соопшти дека „дронови биле забележани кај неколку одбранбени објекти на Данска“ во текот на ноќта.

Според официјалните информации, активност на дронови имало кај Воздухопловната база Скрyдструп, на југот на земјата, како и кај базата на Јиландскиот драгонски полк.

Локални медиуми јавуваат дека еден или повеќе дронови биле забележани и во близина или над воената база Каруп – најголемата воена база во Данска. Министерството за одбрана не го потврди ова и истакна дека „поради оперативна безбедност и тековната истрага, Командата на данската одбрана не сака дополнително да објаснува за забележаните дронови“.

Според јавниот сервис DR, дронови во Каруп биле видени и внатре и надвор од оградата на базата околу 20 часот, што го потврдил и дежурниот менаџер на Централната и Западна Јиландска полиција, Симон Скелкјер. Поради инцидентот воздушниот простор бил привремено затворен за цивилен сообраќај, иако тоа немало значајно влијание бидејќи во моментот нема редовен цивилен сообраќај во Каруп.

Во понеделникот, појава на дронови над аеродромот во Копенхаген предизвика блокада на летовите во главниот град на Данска повеќе часови. Властите инцидентот тогаш го оценија како дел од „хибридни напади“.

Данскиот министер за правда, Петер Хумелгард, во четвртокот изјави дека целта на овие летови е да се создаде страв и поделби. Тој најави дека владата ќе разгледа дополнителни мерки за неутрализирање на дроновите, вклучително и законски измени што би им дозволиле на сопствениците на засегнатата инфраструктура да ги соборуваат.