Нови провокации: Германија дигна ловци поради руски авион над Балтичкото Море

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Нови провокации: Германија дигна ловци поради руски авион над Балтичкото Море

22 септември 2025

• од Станча Јаќимовски

Германија распоредила два ловци Eurofighter заради појава на руски воен извидувачки авион Ил-20 над Балтичкото Море, објави „Ројтерс“.

Според соопштението, германските авиони пресретнале летало кое се движело во меѓународниот воздушен простор без поднесен летен план и без радиокомуникација. По визуелна идентификација, германските пилоти ја предале задачата за ескорт на своите партнери од НАТО во Шведска и се вратиле на базата Росток-Лааге.

„За уште еднаш нашите сили за брза реакција добија наредба од НАТО да реагираат на неидентификуван авион во меѓународниот воздушен простор. Се работеше за руски разузнавачки авион Ил-20М“, соопштија германските воздухопловни сили.

Ескалација на тензиите во регионот

Овој инцидент доаѓа во време на зголемени тензии во Балтичкиот регион. Во последните денови беа забележани повеќе нарушувања на воздушниот простор и безбедносните зони од страна на руски воени авиони.

Минатиот петок три ловци МиГ-31 навлегоа во воздушниот простор на Естонија и таму останале околу 12 минути. Во друг случај, Полска соопшти дека два руски авиони прелетале ниско над сондажната платформа „Петробалтик“, нарушувајќи ја нејзината безбедносна зона.

НАТО ќе расправа за инцидентите

Според извори запознаени со ситуацијата, Северноатлантскиот совет на НАТО во вторник ќе одржи седница посветена на најновото нарушување на естонскиот воздушен простор.

Овие настани уште еднаш го покажуваат зголеменото ниво на ризик и напнатост околу Балтичкото Море, каде што воените активности на Русија сè почесто предизвикуваат реакции и засилени мерки од страна на НАТО-сојузниците.