Новиот Ford Ranger ја заменува УАЗ-легендата во Бугарската армија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Новиот Ford Ranger ја заменува УАЗ-легендата во Бугарската армија

13 јуни 2025

• од Станча Јаќимовски

По речиси половина век лојална, но веќе изнемоштена служба, старите УАЗ-возила конечно се повлекуваат од редовите на Бугарската армија. Министерството за одбрана започна со најобемната модернизација на воениот транспорт од 70-тите години наваму, со план за набавка на повеќе од 630 пикапи со зголемена проодност и двојна кабина.

Главната ѕвезда на оваа замена е моделот Ford Ranger, од кој досега се договорени 318 возила, кои веќе се распределуваат во различните воени единици низ целата земја. Вкупната вредност на рамковниот договор изнесува 50 милиони лева (со вклучен ДДВ).

Технолошки скок за армијата

„Ова се возила што се користат секој ден – и во мир, и во војна, и во време на криза“, вели генерал-мајор Дејан Дешков, командант на Копнените сили на Бугарската армија. Тој истакнува дека пикапот со двојна кабина е идеално решение за потребите на војската, а модерната техника сериозно ја подига мотивацијата на воениот состав.

Сепак, највпечатливи се зборовите на сержант Атанас Стоев – возач во 78. баталјон за логистика. Со восхит зборува за „луксузи“ како што се серво управувачот и клима-уредот – нешта што се стандард во цивилниот сектор, но за војската претставуваат огромен чекор напред.

Од УАЗ до Ford – како од тенекежија до вселенски брод

Новите Ford Ranger пикапи се опремени со 2.0-литарски дизел мотор со 170 коњски сили и шестстепен рачен менувач. Во споредба со старите УАЗ-469 од 1971 година, Ranger нуди вистински технолошки скок – со дигитална инструмент табла и голем вертикален дисплеј за инфозабавниот систем, слично на Tesla.

Секое возило доаѓа со 3 години или 100.000 километри гаранција, како и 12-годишна заштита од корозија – што претставува значителен квалитативен напредок.

Следни на ред: старите камиони и автобуси

Покрај УАЗ-возилата, Министерството најави дека ќе бидат заменети и дотраените камиони и автобуси. Меѓу нив се уште се користат модели како ЗИЛ, „Шкода Мадара“ и познатите „Чавдар“ автобуси, кои и денес превезуваат војници.

„Во последните три години, нашите автобуси имаат просечно поминато по еден милион километри по возило“, откри генерал-мајор Дешков, нагласувајќи колку се користеле за транспорт на војници до границата и назад.

Обука и одржување – дел од договорот

Сите склучени договори опфаќаат не само испорака, туку и обука за дијагностика, техничко одржување и поправка на новата механизација – што гарантира долгорочна употреба и оперативност.

Веќе минатата година, компанијата „Мото-Пфое“ испорача Ford Ranger Raptor 2.0 EcoBlue со 210 к.с. за потребите на Frontex и Граничната полиција, што значи дека армискиот персонал не е целосно непознат со новата техника – иако верзиите сега се нешто поскромни.