Од Велс до Полски Трмбеш: Британско семејство избра да живее во бугарско село

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Од Велс до Полски Трмбеш: Британско семејство избра да живее во бугарско село

24 август 2025

• од Тодор Вангелов

Сè повеќе британски семејства го наоѓаат својот мир во бугарските села. Таков е и случајот со Лаура и Антони, кои го заменија динамичното секојдневие на Обединетото Кралство со едноставниот живот во едно мало село близу Попово.

Лаура, која во Британија работела како пејачка, денес предава англиски јазик, а Антони, поранешен сопственик на мал бизнис, најголем дел од времето го вложува во реновирање на нивната нова куќа.

„Животот таму беше исполнет со стрес. Сè што заработувавме одеше за сметки и издршка. Сакаме повеќе од тоа“, вели Антони. Одлуката дошла по една нивна посета во Бугарија – ја напуштиле Британија со ван и ја преминале цела Европа за да стигнат до своето ново прибежиште.

Првата средба со нивната стара неизмазана тулирана куќа не ветувала многу, но со упорност и труд, Лаура и Антони полека ја претворија во дом. Процесот го споделуваат и со своите следбеници на YouTube, покажувајќи како животот во мало бугарско село може да биде исполнет со убавини и смисла.

„Мислев дека никогаш нема да можам да купам куќа, ниту да имам време за семејството. Но сфатив дека Бугарија е одговорот. Не сакам големи градови – тука во малото село го најдов она чувство што ми недостасуваше“, споделува Антони.

Лаура додава: „Купувањето куќа овде ни овозможи да вложуваме љубов, грижа и внимание, наместо да плаќаме скапа хипотека. А и главната причина е што ја сакаме природата“.

Семејството ја цени храната од сопствената градина и четирите различни сезони што ги нуди Бугарија. „Во Британија времето е скоро исто цела година. Тука имаме вистинска зима и лето, а децата едноставно го обожаваат снегот“, вели Антони.

Според Дирекцијата за миграција, околу 5.000 британски државјани имаат дозвола за постојан престој во Бугарија, а по Брекзит, 32 веќе добиле бугарско државјанство.

„На Запад постои големо недоразбирање за Бугарија и Источна Европа – луѓето мислат дека е мрачно и опасно место. Сакам да ја покажам вистинската убавина – културата, луѓето, фолклорот и музиката. Сè овде е прекрасно“, вели Лаура.