Орбан: 2025 година може да биде последната година на мир во Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Орбан: 2025 година може да биде последната година на мир во Европа

24 декември 2025

• од Станча Јаќимовски

Унгарскиот премиер Виктор Орбан предупреди дека не може да се исклучи можноста 2025 година да биде последната година на мир во Европа, посочувајќи дека главната закана не доаѓа од војната во Украина, туку од длабокиот политички, економски и социјален пад на Западна Европа.

Во интервју за весникот „Унгарски Немзет“, Орбан изјави дека 80 години по завршувањето на Втората светска војна, Европа повторно живее во страв од голем воен конфликт кој би можел да ескалира и во нуклеарна војна. Според него, светот моментално влегува во сосема нова геополитичка фаза.

„Украинско-руската војна се смета за ризик од ескалација, но таа е повеќе последица отколку причина. Вистинскиот проблем лежи во долготрајниот пад на Западна Европа“, рече Орбан. Тој оцени дека овој процес започнал уште во средината на 2000-тите години и дополнително се забрзал поради, како што наведе, неадекватниот одговор на европските земји на глобалната финансиска криза.

Премиерот потсети дека пред околу 20 години економските перформанси на Европската Унија и Соединетите Американски Држави биле речиси изедначени, додека денес разликата е сè поизразена. „Америка напредува, а Европа тоне. Континентот кој некогаш беше модел, за само неколку години стана несериозен глобален играч“, истакна Орбан.

Тој претходно изјави и дека одредени европски лидери сериозно размислуваат за можноста од директен воен судир со Русија до 2030 година, нагласувајќи дека Унгарија мора да направи сè за да избегне вмешување во таков конфликт.

Во меѓувреме, рускиот претседател Владимир Путин изјави дека Русија нема намера да започне војна со Европа, но предупреди дека Москва е подготвена веднаш да реагира доколку европските земји одлучат да влезат во конфликт.