Јотова: Бродот ,, Св. св. Кирил и Методиј" е гордост на бугарската наука

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Јотова: Бродот ,, Св. св. Кирил и Методиј" е гордост на бугарската наука

11 април 2025

• од Вардарски

Бугарските поларници денес се мерило за врвен научен професионализам и за истражувања кои го надминуваат националниот интерес и стануваат придонес за целото човештво. Ова го истакна потпретседателката на Бугарија, Илијана Јотова, за време на нејзината посета на Варна, каде што присуствуваше на презентација посветена на најновите успеси на бугарската поларна експедиција.

„Нашите научници не само што нè исполнуваат со гордост и самодоверба, туку нивните достигнувања се препознаени и користени на светско ниво,“ нагласи Јотова. Таа додаде дека е во Варна за лично да ја изрази почитта на претседателската институција кон посветеноста и постигнувањата на бугарските истражувачи.

Како пример за научна и технолошка визија, Јотова го посочи проектот со научноистражувачкиот брод НИК 421 „Св. св. Кирил и Методиј“, реализиран од Високото военоморско училиште во Варна. Овој проект, според неа, е еден од најуспешните бугарски научни подвизи во последниве години. „Токму вакви иницијативи треба да ги поддржуваме – тие нè обединуваат и не потсетуваат дека сме способни за големи работи, далеку од дневнополитичките препукувања,“ изјави таа.

Презентацијата се одржа во Звездената сала на Планетариумот на ВВМУ, каде беа претставени резултатите од 33-та бугарска антарктичка експедиција. Проф. Христо Пимпирев, претседател на Бугарскиот антарктички институт, ги претстави најзначајните научни откритија, а капетан II ранг Николај Данаилов ги сподели впечатоците и искуствата од последната мисија на бродот „Св. св. Кирил и Методиј“.

Меѓу присутните беа и флотилен адмирал Калин Калинов, проф. Бојан Медникаров, како и ректорот на Софискиот универзитет, проф. Георги Вaлчев – со што уште еднаш беше нагласено единството меѓу науката, образованието и институциите.

Научноистражувачкиот брод НИК 421 се очекува да се врати во Варна попладнево, по 16 часот. Лошите временски услови го одложија неговото пристигнување, првично планирано за утринските часови.

Со секоја ваква експедиција, Бугарија докажува дека вложувањето во знаење и истражување е патот кон глобално признание и долгорочен просперитет.