Полска ја обвини Русија за провокација по падот на воен дрон

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Полска ја обвини Русија за провокација по падот на воен дрон

21 август 2025

• од Станча Јаќимовски

Полскиот министер за одбрана, Владислав Косинјак-Камиш, ја обвини Русија дека „повторно ги провоцира државите членки на НАТО“, пренесе Politico. Повод за неговото изјавување беше експлозијата на воен дрон на територија на Полска.

Инцидент без човечки жртви

При инцидентот немаше повредени лица, но во околните куќи се скршени прозорски стакла, а на блиското поле е изгорена површина со дијаметар од околу 8 до 10 метри. На местото на настанот биле пронајдени обгорени остатоци од мотор кој наликувал на оние што се користат во руските ударни дронови „Шахед“.

Варшавата официјално соопшти дека вооружените сили на Полска во текот на ноќта не забележале нарушувања на воздушниот простор. Сепак, окружниот обвинител на Љублинското воеводство, Гжегож Трусевич, истакна дека „природата на експлозијата укажува дека објектот најверојатно бил воен дрон“.

Поврзаност со регионалните настани

Инцидентот се случи во момент кога во украинските области Лвив и Волин, кои се граничат со Полска, беше прогласена воздушна тревога. Таму, сепак, не биле регистрирани директни удари.

Властите во Варшава веднаш ги информирале своите сојузници во НАТО за случајот. Москва засега не излезе со официјален коментар.

Потсетување на претходни инциденти

Случајот потсетува на потешкиот инцидент од ноември 2022 година, кога украинска противвоздушна ракета падна во полското село Пшеводов за време на масовна руска ракетна офанзива врз украинската енергетска инфраструктура. Тогаш загинаа двајца цивили, што предизвика загриженост за можноста од директно вовлекување на НАТО во војната.

Во изминатите месеци, руски дронови се срушиле и на територии на други земји-членки на НАТО, како Романија и Литванија, кои исто така се во непосредна близина на зоната на воените дејства во Украина.