Полска активираше член 4 од НАТО по навлегувањето на руски дронови во нејзиниот воздушен простор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Полска активираше член 4 од НАТО по навлегувањето на руски дронови во нејзиниот воздушен простор

10 септември 2025

• од Тодор Вангелов

Полските власти соопштија дека регистрирале и следеле вкупно 19 премини на руски дронови во полскиот воздушен простор. Во средата наутро вооружените сили на Полска соборија неколку од нив, по што Варшава ја активираше одредбата за консултации со сојузниците според член 4 од Северноатлантскиот договор.

„Соборувањето на дроновите кои ја загрозуваа нашата безбедност е успех на полските и НАТО силите, што воедно ја менува и политичката ситуација,“ изјави премиерот Доналд Туск. Тој додаде дека одлуката е донесена по консултации со претседателот Карол Навроцки.

Член 4 од Договорот предвидува можност за заеднички консултации меѓу сојузниците „секогаш кога, според мислењето на некоја од страните, е загрозенa територијалната целовитост, политичката независност или безбедноста“.

Воздушниот простор под напад

Првото нарушување било забележано околу 23:30 часот во вторникот, а последното околу 6:30 часот во средата. Локалната полиција потврди дека пронашла остатоци од оштетен дрон во селото Чоснувка, во источна Полска, близу границата со Белорусија.

Полските вооружени сили се ставени во „највисока состојба на готовност“. Аеродромите во Модлин, Жешув-Јасиоnка и Лублин ги суспендираа летовите, додека варшавскиот аеродром „Шопен“ остана отворен, но без активни летови.

Реакција на НАТО

Генералниот секретар на НАТО, Марк Руте, изјави дека сојузниците изразиле целосна солидарност со Полска и го осудија „неодговорното однесување на Русија“. Тој порача: „Мојата порака до Путин е јасна: запрете ја војната во Украина, престанете да ја ескалирате, престанете да го нарушувате сојузничкиот воздушен простор. НАТО е буден и ќе ја брани секоја педа од својата територија.“

Според Врховната команда на сојузничките сили на НАТО (SHAPE), во соборувањето на дроновите учествувале воздушни сили на Италија, Холандија и Германија. Ова е првпат авијацијата на НАТО директно да интервенира против закани во воздушниот простор на алијансата.

Туск пред полскиот парламент нагласи дека ова е прво директно нарушување на полскиот воздушен простор од страна на дронови „кои полетале од Белорусија“, откако започна целосната руска инвазија врз Украина во 2022 година.

Европска поддршка

Францускиот претседател Емануел Макрон остро ја осуди инвазијата на дронови, нарекувајќи ја „целосно неприфатлива“. Тој најави дека наскоро ќе разговара со Руте, а на платформата X порача: „Ја изразувам мојата најсилна осуда и целосна солидарност со Полска. Безбедноста на сојузниците нема да биде доведена во прашање.“

Туск соопшти дека во операцијата биле вклучени и авиони F-35, F-16, како и хеликоптери Ми-17, Ми-24 и „Блек Хок“.