Полска бара од Европската комисија истрага против TikTok поради AI-содржини со повици за напуштање на ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Полска бара од Европската комисија истрага против TikTok поради AI-содржини со повици за напуштање на ЕУ

31 декември 2025

• од Станча Јаќимовски

Полска ја повика Европската комисија да започне истрага против TikTok, откако на платформата се појави содржина генерирана со вештачка интелигенција, вклучувајќи видеа со пораки што ја повикуваат земјата да излезе од Европската унија. Ова го соопштија полските власти, повикувајќи се на информации објавени од Ројтерс. Според полската влада, речиси е сигурно дека станува збор за руска дезинформациска кампања.

Во последните недели, на TikTok стана популарен профил кој објавувал видеа со млади жени облечени во полските национални бои, кои испраќале антиевропски пораки и повикувале на излез на Полска од ЕУ. Профилот во меѓувреме е отстранет од платформата.

Заменик-министерот за дигитализација, Дариуш Стандерски, во писмо до Европската комисија наведе дека ваквата содржина претставува сериозна закана за јавниот ред, информативната безбедност и интегритетот на демократските процеси, не само во Полска туку и во целиот Европски сојуз. Според него, начинот на ширење на видеата, користените наративи и употребата на синтетички аудиовизуелни материјали укажуваат дека TikTok не ги исполнува своите обврски како „многу голема онлајн платформа“ (VLOP).

Портпарол на полската влада додаде дека видеата содржеле руски синтаксички конструкции, што според властите претставува јасен показател за руско потекло на дезинформацијата.

Овој случај доаѓа во време кога земјите членки на ЕУ ги засилуваат напорите за спречување странско мешање во изборни и внатрешнополитички процеси, по серија предупредувања за руски шпионажни активности и саботажи. Москва постојано ги негира обвинувањата за мешање во избори во други држави.

Минатата година, Европската комисија веќе започна официјална постапка против TikTok, кој е во сопственост на кинеската компанија ByteDance, поради наводни пропусти во спречувањето на изборни манипулации, вклучително и за време на претседателските избори во Романија во ноември 2024 година.

Полска сега бара Комисијата да покрене нова постапка согласно Законот за дигитални услуги на ЕУ, кој ги обврзува големите онлајн платформи да модерираат и отстрануваат штетна содржина. Во случај на прекршувања, Комисијата има право да изрече парични казни до 6% од годишниот глобален промет на компаниите.