Потпретседателот на САД: Ние не сме во војна со Иран

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Потпретседателот на САД: Ние не сме во војна со Иран

22 јуни 2025

• од Станча Јаќимовски

Потпретседателот на САД, Џеј Ди Ванс, во своето прво јавно обраќање откако претседателот Доналд Трамп нареди напади врз ирански нуклеарни објекти, изјави дека САД „не се војна со Иран“, туку со иранската нуклеарна програма.

„Ние не сме војна со Иран. Ние сме војна со нуклеарната програма на Иран“, рече Ванс во интервју за NBC емисијата „Meet the Press“, нарекувајќи ги нападите „сведоштво за моќта на американската војска“.

Според Ванс, нападите биле резултат на „тесен временски прозорец“ во кој постоела можност за ефикасна акција против нуклеарниот напредок на Техеран.

„Имавме тесна можност. Можеби немаше да можеме да ја изведеме оваа операција за шест месеци. Имавме краток период во кој можевме значително да ја забавиме нивната програма. Би било неодговорно претседателот да не преземе акција“, истакна тој.

Ванс додаде дека САД имаат доверба во разузнавачките служби, но и во сопствената проценка. „Иранците престанаа да преговараат со добра волја – тоа беше вистинскиот поттик за акцијата“, изјави тој.

Потпретседателот исто така откри дека претседателот Трамп претходно поставил „приватни ултиматуми“ кон Иран, но одби да ги открие деталите.

Претходни извештаи на CNN покажуваат дека Трамп во април ѝ понудил на Иран 60-дневен рок за продолжување на преговорите и побарал од израелскиот премиер Бенјамин Нетанјаху да се воздржи од напад за да се овозможи напредок во дијалогот.

Изјавата на Ванс доаѓа во време на зголемени тензии на Блискиот Исток, со американската администрација која се обидува да ја балансира воената акција со дипломатските напори.