Претседателката на Коосово Османи: Србија делува по диктат на Русија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Претседателката на Коосово Османи: Србија делува по диктат на Русија

27 април 2025

• од Вардарски

Претседателката на Косово, Вјоса Османи, во интервју за финскиот јавен сервис YLE, предупреди дека неправеден мир во Украина би можел да охрабри други земји кои се стремат кон територијални освојувања. Таа нагласи дека Србија секогаш дејствува во согласност со интересите на Русија, притоа изразувајќи загриженост за стабилноста на Западен Балкан.

„Од почетокот на агресијата врз Украина, Русија тројно го зголеми влијанието преку пропаганда и дезинформации на Балканот. Тоа покажува колку посебен интерес има за нашиот регион,“ рече Османи.

Таа истакна дека секој мировен договор кој би ѝ правел отстапки на Русија, би бил опасен преседан што може да го разниша меѓународниот правен поредок. Османи нагласи дека, слично на руската анексија на Крим, Србија се обидела да го окупира северниот дел на Косово – обид кој бил спречен.

„Ситуацијата на Балканот е сериозно загрижувачка. Србија, под водство на Вучиќ, размислува на ист начин како и Путин — со хегемонистички став кој ги негира соседните држави,“ посочи Османи.

Таа откри дека претставници на Српската православна црква неодамна се сретнале со Путин, каде што, според неа, отворено се разговарало за „окупација на Црна Гора, Босна и Косово“.

Османи го критикуваше ЕУ за тоа што и покрај ваквите постапки, ја зголемува финансиската поддршка кон Србија, додека Белград одбива да ги почитува меѓународните обврски и потпишаните договори.

Таа потенцираше дека Косово никогаш не било извор на конфликти и секогаш било отворено за дијалог и пријателство, но Србија никогаш не побарала прошка за злосторствата сторени за време на војната.

„Не бараме одмазда, бараме правда. Косово е реалност која ќе остане, нема враќање назад,“ порача Османи.

Гледајќи напред, Османи е уверена дека иднината на Косово е во западниот свет. Според неа, 97% од граѓаните го поддржуваат членството во Европската Унија и НАТО. Иако пет земји од ЕУ сè уште не ја признале независноста на Косово, таа нагласи дека реформите продолжуваат и дека патот кон полноправно членство е трајна определба.

На крајот, таа се заблагодари на Финска за долгогодишната поддршка на косовската државност.