Претседателката на Молдавија: Русија е најголемата закана за нашата држава

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Претседателката на Молдавија: Русија е најголемата закана за нашата држава

10 септември 2025

• од Станча Јаќимовски

Претседателката на Молдавија, Мaja Санду, изјави дека земјата нема да може да опстане пред руската агресија доколку не стане дел од Европската унија. Таа зборуваше пред Европскиот парламент во Стразбур и порача дека европскиот пат за Молдавија е прашање на опстанок, а не само на вредности.

Русија и хибридната војна

Молдавија, држава со околу 2,4 милиони жители и граница долга 1.200 километри со Украина, е цел на хибридната стратегија на Русија – преку дезинформации, кибер-напади и мешање во избори.

„Кремљ го користи целиот свој арсенал на хибридни напади против нас“, рече Санду. Таа ја оцени Русија како „најголемата закана за нашата земја“ и предупреди дека Молдавија се соочува со невидена форма на хибридна војна, особено по целосната инвазија врз Украина.

Политички притисоци и избори

На 28 септември во Молдавија ќе се одржат парламентарни избори. Според Санду, Москва ќе се обиде да влијае врз нивниот исход.

Минатата година, на референдумот за членство во ЕУ, резултатот беше речиси изедначен – 50,4% „за“ и 49,6% „против“. Гласањето беше засенето од вмешување на Русија. Во исто време, Санду освои втор претседателски мандат победувајќи го својот проруски противкандидат.

„Целта на Москва е јасна – да ја освои Молдавија преку изборите, да нè искористи против Украина и да нè претвори во плацдарм за напади врз Европската унија“, истакна Санду.

Реформи и европски пат

Молдавија поднесе апликација за членство во ЕУ во 2022 година и спроведува реформи во институциите, судството и економијата.

„Не бараме пречици, си ја работиме задачата совесно“, рече Санду, но додаде дека земјата е во „трка со времето“ за да ја заштити демократијата.

Минатиот месец лидерите на Франција, Германија и Полска ја посетија молдавската престолнина Кишињев и изразија поддршка за европскиот курс на земјата.

Пречки на патот

И покрај европската поддршка, Молдавија се соочува со сериозни предизвици. Нејзиниот пристапен процес е врзан со оној на Украина, а унгарскиот премиер Виктор Орбан повеќепати најави дека ќе го блокира проширувањето на Унијата.