Првиот приватен научно-технолошки парк во Бугарија никнува во Лозен, крај Софија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Првиот приватен научно-технолошки парк во Бугарија никнува во Лозен, крај Софија

28 јуни 2025

• од Станча Јаќимовски

Во населбата Лозен, во близина на бугарската престолнина Софија, започна изградбата на првиот приватен научно-технолошки парк во земјата — Lozen Tech Park. Овој амбициозен проект, вреден околу 400 милиони лева (приближно 200 милиони евра), е инвестиција на германската групација Lindner, една од најголемите странски инвеститори во Бугарија.

Lozen Tech Park е замислен како иновативен комплекс кој ќе обедини технолошки компании, истражувачко-развојни центри, стартапи, универзитети и институции од Бугарија и странство. Планирано е проектот да се развива во три фази: изградба на станбени објекти, развој на самиот технолошки парк, како и формирање на образовна инфраструктура. Во рамките на технолошкиот парк веќе се изградени две згради, а уште две се во фаза на изградба. Посебен акцент ќе има и отворањето на германско училиште, кое од септември ќе прими 605 ученици.

На свеченоста по повод стартот на изградбата присуствуваа високи бугарски и европски функционери, меѓу кои поранешниот бугарски претседател Росен Плевнелиев (2012–2017), заменик-премиерот Томислав Дончев, градоначалникот на Софија Васил Терзиев, како и претставници на Европската комисија во Бугарија и локалните власти.

Плевнелиев го опиша Lozen Tech Park како модерен „град на кратките патишта“, каде што сè е достапно — работното место, училиштето, домот и природата. Тој нагласи дека локацијата, сместена меѓу две планини со свеж воздух и прекрасни панорами, е совршена за спојување на урбаното живеење со природната средина.

„Ова е вистински град во градот — место каде луѓето ќе можат да живеат, да работат и да ги испраќаат своите деца на училиште пеш, без да го напуштат локалниот екосистем“, изјави Плевнелиев, додавајќи дека се планираат дополнителни инвестиции во регионот помеѓу Лозен и Герман.

Со ваквиот проект, Бугарија се позиционира како сè поатрактивна дестинација за технолошкиот развој и иновациите во Југоисточна Европа.