Радев ѝ заблагодари на Силјановска: Северна Македонија нуди помош за поплавите во Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Радев ѝ заблагодари на Силјановска: Северна Македонија нуди помош за поплавите во Бугарија

06 октомври 2025

• од Станча Јаќимовски

Во духот на добрососедството и човечката солидарност, Бугарија деновиве доби порака на сочувство и понуда за помош од Република Северна Македонија, поради катастрофалните поплави што зафатија повеќе региони во земјата.

Претседателот на Бугарија, Румен Радев, со благодарност истакна дека претседателката Гордана Силјановска Давкова ја изразила подготвеноста на Северна Македонија да помогне во справувањето со последиците од невремето.

„И се заблагодарувам на претседателката Силјановска за конструктивниот телефонски разговор и за сочувството што го изрази кон жртвите од поплавите во Бугарија, како и за понудената поддршка при менаџирањето на последиците од оваа катастрофа“, напиша Радев на социјалната мрежа „X“.

Силните врнежи од дожд предизвикаа големи поплави, оштетувајќи инфраструктура, блокирајќи патишта и оставувајќи дел од населението без електрична енергија. И покрај тешката ситуација, бугарските власти покажаа брза и ефикасна реакција, мобилизирајќи спасувачки екипи и армијата за помош на граѓаните.

Во овие моменти, Бугарија ја демонстрира својата издржливост и сплотеност, а поддршката што доаѓа од соседните земји – особено од Северна Македонија – е силен знак дека добрите односи и човечноста ја надминуваат секоја граница.

Овој чин на солидарност уште еднаш потврдува дека Балканот може да биде регион на соработка, разбирање и заемна помош, кога најмногу е потребно.