Рама: ЕУ е благослов и шанса за реинвенција на државите како Албанија и С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Рама: ЕУ е благослов и шанса за реинвенција на државите како Албанија и С. Македонија

17 септември 2025

• од Гоце Кически

Премиерот на Албанија, Еди Рама, во своето последно обраќање истакна дека европската интеграција претставува историска можност за земјите од Западен Балкан и ја нарече „благослов“ што го немале други држави како Авганистан или Ирак.

„ЕУ е благослов за земји како нашата и за целиот регион. Тоа е шанса да го добиеме целото знаење за градење институции и држава што работи за граѓаните, надвор од индивидуалности и личности,“ рече Рама.

Тој нагласи дека преку европските инструменти земјите од Балканот имаат можност повторно да се изградуваат и како нации и како држави, прилагодувајќи се на европските стандарди и вредности. „Нашиот предизвик е да се реинвентираме во целост, станувајќи сè поблиску до барањата на кластерите, кои се огромни и многу предизвикувачки,“ додаде премиерот.

Рама посебно ја истакна важноста на заштитата на животната средина, наведувајќи дека таа е „итно прашање и за самите земји членки на ЕУ, кои се борат да ги одржат стандардите“. Албанија, според него, ја препознала оваа приоритетна насока и за првпат има посебно Министерство за животна средина, со нов тим и нов министер кој ќе учествува директно во преговарачкиот процес.

„Тоа што денес ни изгледа очигледно, пред неколку години ќе беше незамисливо. Сега мора да учиме, да бидеме скромни, посветени и да ја сакаме Европа со целата наша страст,“ потенцираше Рама.

Со ова премиерот уште еднаш ја потврди јасната определба на Албанија кон европската интеграција, нагласувајќи дека тоа е патот за стабилност, развој и подобар живот за граѓаните.