Разрешен командантот на српската САЈ: Одби да ја користи единицата против граѓани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Разрешен командантот на српската САЈ: Одби да ја користи единицата против граѓани

07 септември 2025

• од Станча Јаќимовски

Долгогодишниот командант на српската Специјална антитерористичка единица (САЈ), Спасоје Вулевиќ, е разрешен од функцијата и ќе биде формално пензиониран од понеделник, објави телевизијата Н1 повикувајќи се на извори. Според тврдењата, решението дошло по барање на претседателот на Србија, Александар Вучиќ.

Одбивање на политички притисоци

Како што пренесува „Радар“, Вулевиќ во повеќе наврати одбил да нареди интервенција на неговата единица против граѓани кои протестирале. Овој став на командантот, според медиумите, бил причина за неговото отстранување, бидејќи не сакал САЈ да се трансформира во „преторијанска гарда“ на власта.

Весникот „Време“ додава дека авторитетот на Вулевиќ во полицијата станал пречка за политичките елити, токму затоа што одбивал единицата да биде употребена во акции на репресија врз народот.

Промени во обезбедувањето на амбасадата на САД

Паралелно со пензионирањето на Вулевиќ, обезбедувањето на американската амбасада во Белград – задача што САЈ ја извршуваше речиси две децении – постепено целосно ќе го преземе Единицата за заштита (ЈЗО), со која командува Марко Кричак.

Крај на една ера

Спасоје Вулевиќ е дел од МВР од 1993 година и беше на чело на САЈ речиси 20 години. Тој е првиот српски полицаец кој дипломирал на престижната Академија на ФБИ. За време на неговото командување, САЈ уживаше репутација на професионално обучена, дисциплинирана и „впечатливо чиста“ единица, без обвинувања за злоупотреби.

Според аналитичарите, неговото заминување означува крај на една ера во историјата на САЈ, но и испраќа јасна политичка порака: на врвот на полициските сили повеќе нема место за оние кои одбиваат да ја стават елитната единица во функција на политичка репресија.