Ризортот Албена во Бугарија бележи 44% раст на германски туристи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Ризортот Албена во Бугарија бележи 44% раст на германски туристи

24 август 2025

• од Тодор Вангелов

На врвот на августовската сезона, северното Црноморие на Бугарија ја доживува една од најсилните туристички години по пандемијата, а ризортот Албена се издвојува како пример за успешно закрепнување. Активностите започнаа уште во април, кога пристигнаа околу 3.000 австриски пензионери, што овозможи продолжување на сезоната. Но најзначајниот пробив е враќањето на германските туристи – пазар кој долго време недостасуваше во бугарската туристичка понуда.

Според најновите податоци, бројот на ноќевања од германски гости е зголемен за 44% во однос на минатата година. Паралелно, се бележи и раст на домашните туристи за 14%, како и стабилен интерес од Скандинавија и Централна Европа.

Крaсимира Стојанова, менаџер во Албена, истакна дека закрепнувањето на германскиот пазар било долго очекувано, бидејќи таму заздравувањето се одвивало побавно отколку во други дестинации. Успехот оваа сезона се должи на добро обезбедените чартер летови од Германија и насочената промоција преку локална маркетинг агенција. Австриската програма за пензионери, пак, помогна да се пополнат хотелите уште напролет и да се ублажи еден од најголемите предизвици на бугарскиот туризам – кратката активна сезона.

Додека конкуренти како Турција и Грција ги зголемија цените за 15–20%, Албена примени поумерена стратегија со зголемување од најмногу 5%. Овој пристап резултираше со 20% повеќе странски туристи и речиси целосна пополнетост на капацитетите.

За разлика од други ризорти кои продолжуваат со нова градба, Албена строго ја спроведува политиката „Нема повеќе хотели“. Наместо проширување, старите објекти се заменуваат со модерни, повисока категорија – пример е трансформацијата на двоѕвездени хотели во петѕвездени.

Ризортот исто така ја негува својата зелена репутација, лоциран до резерватот Балата – единствена поплавна шума со долголисен јасен, најзападната од ваков вид во Европа. Тоа ја прави Албена особено привлечна за семејства со деца, кои таму уживаат во специјализирани детски содржини, аквапарк меѓу најдобрите осум во Европа и можност да се сретнат со ретки животни и птици во природна средина.

Покрај класичниот одмор на плажа, Албена нуди спортски, културни и конгресни активности. Откако во 2018 година беше прогласена за „Европски спортски ризорт“, таа привлекува гости и надвор од летната сезона. Културниот календар е збогатен со неделни фестивали на плажа, концерти на отворено и детски дискотеки.

Круна на оваа година ќе бидат прославите за 56-годишнината на Албена, кои ќе се одржат околу 24 август со специјална недела настани – уште една потврда на значењето на ова симболично туристичко место на бугарското приморје.