Родители го продале своето бебе за 7.000 евра – парите ги потрошиле на автомобил

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Родители го продале своето бебе за 7.000 евра – парите ги потрошиле на автомобил

01 ноември 2025

• од Станча Јаќимовски

Романската полиција е во потрага по двајца млади родители, на возраст од 18 и 21 година, кои се осомничени дека го продале своето новороденче за 7.000 евра и со парите купиле автомобил. Случајот ја шокираше јавноста во Романија, а истрагата ја води Обвинителството за борба против организиран криминал и тероризам (DIICOT), територијалната канцеларија во Горж.

Според информациите, двојката во текот на летото го продала своето бебе старо само три недели на 47-годишен маж од округот Горж. Судот во Горж издал налог за негово апсење, откако било откриено дека тој лажно се претставил како татко на детето и поднел фалсификувани документи во матичната служба.

„Осомничениот платил 7.000 евра на младите родители и лажно изјавил дека е биолошки татко на бебето“, се наведува во соопштението на DIICOT. Врз основа на тие податоци, неговото име било внесено во изводот од матичната книга на родените.

Подоцна, со помош на нотар од округот Клуж, осомничениот добил две фалсификувани полномоштва со кои се обидел да извади пасош за бебето и да овозможи негово изнесување од земјата. Полицијата при претрес на неговиот дом го пронашла детето, кое било предадено на службите за заштита на малолетници.

DIICOT потврди дека 47-годишниот маж е уапсен под сомнение за трговија со малолетници, давање лажни искази и фалсификување службени документи. Младите родители, пак, се во бегство, а потрагата по нив продолжува.

Овој шокантен случај повторно ја отвори дебатата за сиромаштијата, социјалната заштита и недоволната едукација на младите родители во Романија, но и за потребата од построги контроли во постапките за издавање на документи и пасоши за деца.