Русија пред даночен удар: народот плаќа, олигарсите недопрени

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Русија пред даночен удар: народот плаќа, олигарсите недопрени

22 август 2025

• од Гоце Кически

Москва – Граѓаните на Русија наскоро ќе се соочат со повисоки даноци и нови ограничувања при користење на сопствените пари, во услови кога државниот буџет се распаѓа под тежината на војната и авторитарното владеење на Кремљ.

Централната банка на Русија објави налог според кој од 1 септември 2025 банките ќе можат да воведуваат привремени лимити на подигање готовина од банкомати. Формално, мерката се оправдува со „заштита од измами“ и проверка дали трансакцијата ја извршува сопственикот на сметката. Но, мерката доаѓа во време на постојани прекини во интернетот, мобилните услуги и системите за плаќање – хаос што властите цинично го објаснуваат со „одбрана од украински дронови“.

Истовремено, официјалната статистика признава дека обемот на готовина во оптек достигнал историски рекорд од 16 трилиони рубљи (околу 170 милијарди евра) – јасен сигнал дека обичните Руси губат доверба во банките и економијата и се подготвуваат за уште подлабока криза.

Гориво за војна, глад за граѓаните

Додека воените расходи веќе сочинуваат над 40% од буџетот, Русија се соочува со растечка енергетска криза. Според извештаи, најмалку три рафинерии престанале со работа поради украински удари, што предизвикува огромни редици на бензински пумпи и воведување купонски систем во неколку региони. Во некои области гориво веќе се продава исклучиво на организации и бизниси, додека граѓаните остануваат празнирани.

„Економијата нема здив“

Андреј Ганган од Централната банка призна дека „речиси сите производствени капацитети и човечки ресурси се исцрпени“ и дека Русија „тешко наоѓа нови работници“. Во превод – војната и милијардите што се трошат за оружје ја исцрпуваат земјата, а обичните луѓе плаќаат со сиромаштија, редици и празни паричници.

Даночниот јарем како последна опција

Буџетскиот дефицит достигна 4,9 трилиони рубљи (42 милијарди евра) – рекорд за последните децении. Дури и според извори блиски до владата, нови даночни зголемувања се неизбежни: „Инаку нема да врземе крај со крај, дури и со кратење на воените трошоци“, изјавиле анонимни функционери за Ројтерс.

Но, наместо да се удри по олигарсите, по привилегираната елита што профитира од војната и од државните тендери, повторно товарот ќе падне врз обичниот народ – пензионери, работници и мали бизниси.

Авторитарната сметка доаѓа на наплата

Режимот на Владимир Путин ја заклучува економијата во мрачна спирала: војната ја голта иднината, корупцијата ја гуши продуктивноста, а граѓаните се принудени да финансираат систем кој ги лишува и од слобода и од благосостојба.

Русија, некогаш земја на неискористен потенцијал, денес станува заложник на воено-бирократската олигархија – со народ кој плаќа за војната со своите даноци, со својот труд и со сопствената иднина.