Руски паравоен камп во Србија: „Ако БИА не знаела – катастрофално, ако знаела

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Руски паравоен камп во Србија: „Ако БИА не знаела – катастрофално, ако знаела – крајно катастрофално“

29 септември 2025

• од Станча Јаќимовски

Српската јавност е потресена по апсењето на двајца државјани, Лазар Поповиќ (35) и Саво Стевановиќ (47), осомничени за организирање и финансирање на руски паравоени кампови во близина на Лозница. Камповите, според сомневањата, служеле за обука на повеќе од 150 молдавски и романски државјани со цел предизвикување немири по денешните парламентарни избори во Молдавија.

Кампови во етно село на Дрина

Според истражувањето на БИРН, обуките се одржувале во туристичкиот комплекс „Сунчана Река“, каде учесниците биле обучувани за идентификување борбени цели, користење оружје и техники за реакција во случај на неповолен изборен резултат за проруските партии во Молдавија. Камповите се одвивале од јуни до септември годинава.

Политички врски на уапсените

Апсењето предизвика дополнителна бура во јавноста поради минатите политички врски на уапсените. Поповиќ некогаш бил советник на актуелниот министер без ресор Ненад Поповиќ, а Стевановиќ бил дел од Српската народна партија, пред да премине во партијата „Здрава Србија“. Иако изворите наведуваат дека контактите биле прекинати пред години, фактот што се работи за поранешни партиски луѓе отвори нови прашања за евентуална политичка позадина.

Реакции од институциите и опозицијата

Српското Министерство за внатрешни работи потврди дека уапсените се товарат за кривично дело организирање учество во војна или вооружен конфликт во странска држава.

Од друга страна, опозициската пратеничка Мариника Тепиќ побара итно објаснување од Обвинителството во Шабац, предупредувајќи дека Србија може да се најде во меѓународен скандал поради овие паравоени активности.

Сериозни безбедносни импликации

Експертот за одбрана и безбедност Иван Милетиќ предупреди дека ваквите случувања ја ставаат Србија во многу непријатна позиција. Тој потсети на постоењето на други слични кампови, како оној на групата „Вагнер“ и дури детски кампови организирани од руски организации.

„Дали е возможно ваков камп да се одржува без знаење на нашите служби? Ако БИА не знаела – тоа е катастрофален пропуст. Ако знаела и дозволила – тогаш е крајно катастрофално“, изјави Милетиќ. Тој додаде дека апсењата доаѓаат веднаш по средбата на српскиот претседател Александар Вучиќ со американскиот државен секретар Марко Рубио во Њујорк, што, според него, покажува на силен притисок од САД врз српските власти.