Руски провокации: Дронови ја нарушија безбедноста на сојузничка Полска

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Руски провокации: Дронови ја нарушија безбедноста на сојузничка Полска

10 септември 2025

• од Гоце Кически

Полска повторно се најде во центарот на руските провокации откако синоќа беа соборени повеќе дронови на руските сили кои навлегоа длабоко во полскиот воздушен простор за време на масовен напад врз Украина. Полските вооружени сили го оценија инцидентот како „непосредна агресија“ и „невиден напад врз безбедноста на полските граѓани“.

Премиерот Доналд Туск потврди дека „огромен број руски дронови“ ја нарушиле територијалната сувереност на Полска, притоа навлегувајќи во регионите Подласки, Мазовјецки и Лублин. Тој нагласи дека останува во постојан контакт со генералниот секретар на НАТО, Марк Руте, заради координација на одбранбените мерки.

„Полска нема да толерира вакви напади. Ова е директна агресија од страна на Руската Федерација и сериозна закана за целокупната евроатлантска безбедност,“ изјави Туск.

Вонредна состојба и соборени дронови

Министерот за одбрана, Владислав Косињак-Камиш, нагласи дека повеќе од десет летала биле детектирани над Полска, а оние кои претставувале ризик биле веднаш неутрализирани. Локалната полиција во селото Чоснувка пронајде остатоци од соборен дрон, само неколку километри од границата со Белорусија.

Како последица, неколку аеродроми, меѓу кои и Варшавскиот „Шопен“, го прекинаа авио-сообраќајот.

НАТО и ЕУ со Полска

Инцидентот предизвика силни реакции во НАТО и Европската Унија. Литванија изрази „целосна солидарност“ со Полска, додека шведскиот премиер Улф Кристерсон ја осуди Русија за „неприфатливо кршење на воздушниот простор на НАТО“.

„Полска има целосно право да ја брани својата територија. Стоиме обединети во поддршка на Полска и Украина,“ рече Кристерсон.

Москва продолжува со тактика на страв

Русија, веќе изолирана на меѓународната сцена, продолжува со бескрупулозни методи на заплашување. Неодамнешните инциденти – од паднати дронови со руски ознаки до директни провокации на полска територија – го потврдуваат деструктивниот курс на Кремљ.

Украина повторно под удари

Додека Полска се справува со руските провокации, западна Украина беше под масовни воздушни напади. Во регионите Хмелницки, Житомир и Виница има загинати и повредени цивили, оштетени се фабрики, бензински пумпи и стотици домови.

Полска: НАТО бастион против руската агресија

Со оглед на близината до Украина и Белорусија, Полска останува на првата линија на одбраната од руските закани. Последниот напад ја зацврсти решеноста на Варшава и нејзините НАТО-сојузници дека Москва мора да биде спречена во својата политика на агресија.