САД гледаат кон Бугарија: Нови можности за инвестиции и економски партнерства

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

САД гледаат кон Бугарија: Нови можности за инвестиции и економски партнерства

23 април 2025

• од Вардарски

„Бугарија има што да ѝ понуди на Америка“ – со оваа порака директорот на Американската трговска комора, Иван Михајлов, испрати јасен сигнал од Варна: интересот од САД за вложувања на Балканот расте, а Бугарија се позиционира како сериозен играч.

Михајлов истакна дека земјата има солидни адути – од секторот на вештачката интелигенција, преку енергетиката (вклучувајќи го проширувањето на нуклеарната централа „Козлодуј“), до одбранбената индустрија. „Дури и само со овие три области, можеме да градиме сериозен дијалог со САД“, порача тој.

Преговори и предизвици: царините како алатка

Во моментов, на релација САД – ЕУ се водат интензивни разговори за можните нови царини, додека трае 90-дневното „примирје“ на Вашингтон. Михајлов нагласи дека позицијата на Трговската комора отсекогаш била проактивен дијалог, како на билатерално, така и на ниво на ЕУ.

„Митата се инструмент за притисок, но трговскиот дијалог мора да продолжи“, рече тој. Според него, иако Европа е под економски притисок, особено во споредба со Кина, не смее да остане настрана. Трансатлантската економија – со трговска размена вредна 9,5 трилиони долари во 2024 – едноставно не може да се игнорира.

Бугарија – тивок, но стабилен партнер

Податоците покажуваат дека Бугарија бележи стабилен раст во односите со САД – трговската размена лани достигнала 1,5 милијарди долари. Извозот вклучува електронски компоненти, метали, автомобилски делови и лекови – потврда дека земјата веќе е дел од глобалните синџири на снабдување.

„Ништо не се произведува на едно место од почеток до крај. Прашањето е – колку царини се акумулираат додека производот стигне до купувачот?“ – објаснува Михајлов, потенцирајќи ја сложеноста на денешната светска економија.

Важно е Европа да биде внимателна со Кина

Тој предупреди и дека Европа мора да биде претпазлива со отварањето кон Кина, бидејќи тоа може да претставува ризик за малите и средните бизниси. „САД се фокусирани на привлекување на инвестиции – тоа не е новост. Но ЕУ мора да биде подготвена со свој одговор“, додаде тој.

И покрај предизвиците, американските компании не ја напуштаат Европа – напротив, тие продолжуваат да вложуваат и да се развиваат, особено и во земји како Бугарија.

Варна – град со потенцијал

На крајот, Михајлов не ја пропушти можноста да ја пофали Варна како идна инвестициска дестинација. „Градот има одлични предуслови, но и локалните власти треба активно да работат на создавање на пријателска бизнис средина“, подвлече тој.

Настанот во Варна беше дел од тркалезна маса за економска соработка меѓу Бугарија и САД, организирана од Американската трговска комора и Трговската служба на САД.