САД му продаваат на Тајван ракети NASAMS тестирани во Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

САД му продаваат на Тајван ракети NASAMS тестирани во Украина

20 ноември 2025

• од Станча Јаќимовски

САД ја потврдија продажбата на напредниот противвоздушен ракетен систем NASAMS на Тајван, во договор вреден речиси 700 милиони долари, пренесува „Ројтерс“. Станува збор за втор пакет оружје за само една недела, со што вкупната сума на американската воена помош за Тајпе достигна 1 милијарда долари.

Вашингтон повторно ја истакна својата силна поддршка за Тајван, особено во момент на зголемени тензии со Кина.

Што добива Тајван?

Во Индо-Пацифичкиот регион, од напредните NASAMS системи досега користеле само Австралија и Индонезија. САД потврдија дека Тајван ќе добие три системи како дел од поширок пакет вреден 2 милијарди долари.

NASAMS — Национален напреден ракетен систем земја-воздух со среден дострел — го произведува американската компанија RTX и претставува новитет во тајванскиот одбранбен арсенал. Системот се покажа ефикасен во Украина како дел од одбраната од руските ракетни напади.

Пентагонот соопшти дека договорот е склучен со фиксна цена, а целосната испорака и завршувањето на работите се очекуваат до февруари 2031 година.

„Обврските за странска воена продажба (за Тајван) за фискалната 2026 година изнесуваат 698.948.760 долари“, наведуваат од Пентагон.

Зошто NASAMS е важен за Тајван?

Системот значително ги засилува противвоздушните способности на островот, во време кога кинеските воени активности околу Тајван се сè поинтензивни. САД во последните години ги зголемија одбранбените трансфери за Тајван, а побарувачката за NASAMS расте токму поради успешната примена во Украина.

Де факто амбасадорот на САД во Тајпе, Рејмонд Грин, изјави дека американската поддршка е „непоколеблива“:

„Поддршката за Тајван ја покажуваме не само со зборови, туку со конкретни чекори. Нашето растечко индустриско-одбранбено партнерство е доказ за тоа.“

Регионални тензии и реакциите на Кина

Веста за продажбата доаѓа во период на засилена дипломатска и воена напнатост во Источното Кинеско Море. Пекинг го смета Тајван за своја територија, додека Тајпе ги отфрла овие претензии.

Истовремено, расте и притисокот врз Јапонија:

Кинески бродови се појавија околу спорните острови Сенкаку/Диаоју.
Јапонија подигна изтребители поради кинески дрон кој летал меѓу Тајван и јапонскиот остров Јонагуни.

Таијванскиот министер за одбрана, Вeлингтон Ку, порача дека Кина не треба да користи сила за решавање на споровите.

Таијван гради сопствени капацитети

Покрај набавките од САД, Тајван вложува и во сопствена одбранбена индустрија, меѓу кои и изградба на домашни подморници за заштита на важните поморски линии за снабдување.

Кинеската армија речиси секојдневно изведува активности околу островот, што Тајпе го опишува како „сива зона“ — тактики насочени кон исцрпување на тајванските одбранбени сили.

И покрај тоа што немаат официјални дипломатски односи, САД се законски обврзани да му овозможат на Тајван средства за самоодбрана — позиција која редовно предизвикува незадоволство кај Пекинг.