Се гради со срце: Бугарски свештеник од Царево ја претвора црквата во прибежиште за душата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Се гради со срце: Бугарски свештеник од Царево ја претвора црквата во прибежиште за душата

21 април 2025

• од Вардарски

Во живописниот бугарски град Царево, во квартот „Василико“, еден посветен бугарски свештеник стана симбол на вистинска духовна и човечка грижа. Отец Стојан Кралев, бугарин и духовен водач во црквата „Свето Успение Богородично“, не чекаше институции или спонзори – сам се фати за работа и го започна уредувањето на просторот околу црквата: патеки, алеи и нова платформа за сите што доаѓаат со отворено срце.

Црквата, која датира од 1810 година, е најстарата во Царево, издигната врз темели на храм од 10 век. Местото има длабока историска и духовна вредност, а археолошките откритија сведочат дека полуостровот бил населен уште од 6 век п.н.е. од траките. Денес, тоа е светилиште за верниците и атракција за туристите, но за отец Стојан – тоа е нешто многу повеќе.

„Го правам ова со радост, не по должност. Ако нешто не те исполнува, подобро не се фаќај за тоа. Секоја работа треба да се прави со срце“, изјавува отец Кралев. Неговата искреност и човечност ја освојуваат секоја душа што стапнува на прагот на храмот.

Оваа Велигденска прослава, црквата ги пречека верниците со уреден двор, нова алеја, мирис на море и расцветани дрвја – сцена како од разгледница. Благодарение на трудот на овој бугарски свештеник, „Свето Успение Богородично“ станува сè попривлечно место за духовно прибежиште.

Проектот доби поддршка и од локалната власт. Заменик-градоначалничката за култура и туризам, Марија Димитрова, истакна дека општина Царево целосно ја поддржува иницијативата: „Сакаме овие свети места да бидат пристапни за сите – особено за луѓето со попреченост.“

Отец Стојан додава: „Многу значи кога знаеш дека можеш да се јавиш на градоначалникот и за 10 минути ќе имаш поддршка. Тоа е вистински дух на заедништво.“

Овој бугарски свештеник не само што ги обновува патеките, туку и ја обновува вербата – дека сè што се гради со љубов, останува. Неговата посветеност е инспирација, не само за бугарските граѓани, туку и за сите што веруваат дека црквата е повеќе од зграда – тоа е живо место на надеж, вера и човечност.