Шекеринска: Наместо војни, вложувајте во одбрана и стабилност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Шекеринска: Наместо војни, вложувајте во одбрана и стабилност

02 јули 2025

• од Станча Јаќимовски

Сега е моментот да вложуваме во она што често се зема здраво за готово — мирот и стабилноста. Ова го порача заменичката на генералниот секретар на НАТО, Радмила Шекеринска, на конференцијата на „Економист“ во Грција, јавува дописничката на МИА од Атина.

Шекеринска нагласи дека Алијансата мора да се прилагоди на новата безбедносна реалност, истовремено упатувајќи повик за искреност при комуникацијата со јавноста за чувствителните теми како инвестициите во одбраната.

„Доаѓам од земја и регион кој сè уште се сеќава на војни. И знам дека во моментот кога ќе ги изгубите мирот и стабилноста, сè исчезнува — сите економски бројки, сите проценти од БДП,“ рече таа.

Според Шекеринска, политичарите мора отворено да разговараат со граѓаните и да објаснат дека вложувањето во безбедноста е неопходно, дури и ако тоа значи пренасочување на буџетски средства од други области.

„Секој политичар би имал полесна задача да излезе пред граѓаните и да каже дека ќе ги трошат парите на нешто друго. И така правевме многу години. Но сега е време да инвестираме во она што сите го сметаат за гарантирано — мирот и стабилноста,“ посочи Шекеринска.

Во однос на одлуките од НАТО Самитот за издвојување пет отсто од буџетот за одбраната, таа призна дека тоа е сериозно барање од владите, даночните обврзници и граѓаните, но дека променетата безбедносна состојба бара прилагодување.

„Ние не ги бираме времињата во кои живееме, но мора да се прилагодиме на реалниот свет,“ додаде таа, потенцирајќи дека многу сојузници веќе ги подготвуваат своите планови за постигнување на целта од 3,5 отсто.

Шекеринска истакна и дека одбранбената индустрија треба да биде активно вклучена во стратешкото планирање, предупредувајќи дека НАТО не може да си дозволи да чека пет или десет години за нови производи.

„Ајде да најдеме поиновативни решенија за заканите, за пристапот, за планот и неговата имплементација,“ рече таа, додавајќи дека во иднина не само владите, туку и индустријата ќе треба да испорачуваат побрзо и поефикасно.

Токму затоа, како што објасни, на НАТО Самитот во Хаг бил организиран голем индустриски настан за да се охрабрат заедничките напори на сојузниците и индустријата за производство што е „повеќе, подобро и попаметно“.