Шекеринска: Потенцијалот на Бугарија во одбранбената индустрија е исклучителен

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Шекеринска: Потенцијалот на Бугарија во одбранбената индустрија е исклучителен

08 септември 2025

• од Станча Јаќимовски

Заменик генералниот секретар на НАТО, Радмила Шекеринска, вчера во официјална посета на Бугарија, каде што се сретна со бугарскиот премиер Росен Желјазков. На средбата беше потенцирана активната улога на Бугарија во рамките на Алијансата и колективната одбрана, што претставува гаранција за националната безбедност и унапредување на одбранбените капацитети.

зПремиерот Желјазков нагласи дека земјата ги спроведува сите одлуки од Самитот во Хага, вклучувајќи го зајакнувањето на одбраната на источниот фланг и Црното Море, зголемувањето на инвестициите во одбрана, поддршката за Украина и развојот на партнерствата.

„Бугарија останува меѓу најпосветените сојузници во Алијансата, кои со своите доследни чекори придонесуваат за зацврстување на нејзиното единство,“ истакна Шекеринска. Таа го нагласи и потенцијалот на Бугарија во развојот на одбранбената индустрија, особено преку новите иницијативи поврзани со механизмот SAFE и договорот со компанијата Rheinmetall.

Желјазков информираше дека Бугарија веќе инвестира над 2% од БДП во одбрана, а до 2035 година е планирано постепено зголемување до 5%. Тој ги посочи и клучните проекти за модернизација, меѓу кои набавката на нови оклопни возила Striker, патролни бродови за морнарицата, како и испораката на авиони F-16.

На средбата беше разговарано и за регионалната безбедност и значењето на Паневропскиот коридор VIII, кој ги поврзува Јадранското со Црното Море преку Албанија, Северна Македонија и Бугарија.

Шекеринска и Желјазков ја истакнаа потребата од зајакната стратегиска комуникација и заеднички активности на НАТО во услови на политичка поларизација и меѓуетнички тензии на Западен Балкан.

Посетата на Шекеринска се одвива во рамки на 20-то НАТО вежбање за управување со вонредни ситуации, кое се одржува од 7 до 12 септември во Бугарија. Таа ќе ја посети Мултинационалната борбена група на НАТО во базата „Ново село“ и ќе присуствува на демонстрации во Монтана, како и со обраќање во Атлантскиот клуб.