Шпионски скандал во Хрватска ја разоткрива опасната сенка на белградскиот режим

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Шпионски скандал во Хрватска ја разоткрива опасната сенка на белградскиот режим

28 август 2025

• од Гоце Кически

Хрватски воен пилот од Сплит и неговата партнерка – српска државјанка од севернокосовската Митровица – беа уапсени под сомнение за шпионажа во корист на Србија, објавија хрватските медиуми. Случајот отвора ново прашање за агресивните методи на режимот на Александар Вучиќ, кој преку структури блиски до неговата власт продолжува да ја загрозува безбедноста на регионот и да ја саботира европската иднина на Западен Балкан.

Двајцата осомничени се појавија пред суд во Сплит, кој одлучи да ги задржи во притвор најмалку еден месец, со образложение дека постои ризик да влијаат врз сведоци или да сокријат докази. Жената, која е српска државјанка, останува во притвор и поради можноста за бегство.

Според неофицијални информации, таа со години собирала доверливи податоци преку својот партнер – пилот од хрватските воздухопловни сили кој служел во контингентот на КФОР во Косово. Се верува дека информациите биле пренесувани до луѓе од „Српска листа“ – партија директно контролирана од Белград, но и до канали што водат до самиот државен врв.

Ова не е прв случај што ја открива двојната игра на Вучиќевиот режим. Од една страна Белград декларативно зборува за мир и дијалог, а од друга – преку тајни канали и политички марионети, постојано го дестабилизира Косово, ја саботира регионалната соработка и ја блокира европската перспектива на своите соседи.

Ваквите активности ја разголуваат суштината на авторитарното владеење во Србија: режим кој наместо демократија и слобода избира тајни служби, пропаганда и врски со Москва. Наместо да ја приближува земјата кон ЕУ, Вучиќ ја претвора Србија во сива зона на Балканот, зависна од руското влијание и спротивставена на европските вредности на слобода, транспарентност и владеење на правото.

Европол и хрватските безбедносни служби продолжуваат со истрагата. Доколку вината на осомничените биде докажана, тие би можеле да се соочат со казна од шест месеци до пет години затвор. Но вистинската порака од овој скандал е јасна: Балканот не може да биде заложник на автократски режими. Само преку европско единство, демократска стабилност и отфрлање на руската деструктивна политика регионот ќе обезбеди мирна и сигурна иднина.