Српската православна црква обвинета за криумчарење оружје со амбулантни возила кон Косово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Српската православна црква обвинета за криумчарење оружје со амбулантни возила кон Косово

07 октомври 2025

• од Станча Јаќимовски

Британската пратеничка Алиша Кернс ја шокираше јавноста со изјава во британскиот парламент дека Српската православна црква (СПЦ) учествува во контрабанда на оружје од Србија кон Косово, користејќи амбулантни возила за транспорт, а оружјето потоа, според неа, се сокрива во православни храмови.

Кернс, која е претседателка на Комитетот за надворешни работи во британскиот парламент, предупреди дека оваа пракса сериозно ја загрозува безбедноста и стабилноста на регионот.

„Предолго не успеваме јасно да ги посочиме вооружените српски милиции што дејствуваат во северно Косово. Британската влада располага со информации, дури и преку војниците кои се вратија од мисијата во КФОР, дека оружје се пренесува преку границата со амбулантни возила и се складира во православни цркви,“ изјави Кернс.

Опструкции при инспекциите и дилеми околу британската политика

Пратеничката објасни дека инспекциите често се попречуваат, бидејќи кога меѓународните сили бараат дозвола за претрес, постапката се одолговлекува – и до моментот кога дозволата ќе биде издадена, возилото веќе ја напуштило локацијата.

Кернс исто така изрази загриженост што Велика Британија продолжува да продава муниција и воена опрема на Србија, нагласувајќи дека овие средства можат индиректно да се користат за дестабилизација на регионот.

Состанок со Курти и контекст на вооружени инциденти

Според извори, Кернс неодамна се сретнала во Лондон со косовскиот премиер Албин Курти, со кого разговарала за руската и српската улога во поттикнување безбедносни инциденти во северно Косово.

Изјавите доаѓаат во пресрет на годишнината од вооружениот напад во селото Банска, на 24 септември 2023 година, кога српска паравоена група, предводена од Милан Радојчиќ, близок сојузник на српскиот претседател Александар Вучиќ, нападна косовски полициски единици.

Во нападот загина полицискиот наредник Африм Буњаку, а истрагите на Специјалното обвинителство на Косово утврдиле дека оружјето и опремата дошле од Србија. Дел од напаѓачите, вклучувајќи го и Радојчиќ, се засолниле во манастирот во Банска, што, според косовските власти, претставува доказ за поврзаност меѓу националистички структури и делови од Српската православна црква.

Хибридни влијанија на Балканот

Британските медиуми потсетуваат дека овој случај ја потврдува тезата дека Балканот повторно станува арена на хибридно влијание, каде што религиозни институции, тајни служби и криминални структури се преплетуваат во сложени мрежи на контрола и политички притисок.