СЗО предупредува: Нов КОВИД-19 додека Комунистичката партија на Кина продолжува со прикривање

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

СЗО предупредува: Нов КОВИД-19 додека Комунистичката партија на Кина продолжува со прикривање

26 мај 2025

• од Гоце Кически

Светската здравствена организација на 23 мај објави дека новиот сој на коронавирусот, познат како NB.1.8.1, е класифициран како „варијанта под надзор“. Иако се смета за сој со низок глобален ризик, загриженоста се зголемува поради извештаите за нов бран на случаи во копнена Кина — земја чија власт одамна е обвинета за систематско прикривање на вистинските податоци за пандемијата.

Според СЗО, досегашните вакцини остануваат ефикасни против овој сој и не постојат докази дека NB.1.8.1 предизвикува потешка болест во споредба со другите циркулирачки варијанти. Сепак, брзината со која се шири новиот сој на некои места, вклучително и Кина, е причина за внимателен мониторинг.

Здравствените власти во Пекинг, според извештаи на државните медиуми, потврдуваат дека новиот бран започнал уште во март, и се очекува да достигне врвот до крајот на мај. Пациенти пријавуваат силна, гореча болка во грлото како клучен симптом.

Но, и покрај алармантниот пораст на инфекции, Комунистичката партија на Кина (КПК) и натаму го минимизира влијанието на вирусот. Најновиот извештај од Кинескиот центар за контрола и превенција на болести (КЦКПБ) од 24 мај тврди дека само седум лица починале од КОВИД-19 во март – бројка што експертите ја оценуваат како апсурдно ниска.

„Со оглед на густината на населението и реалната состојба, бројката од седум починати е апсолутно неубедлива,“ изјави д-р Џонатан Лиу, професор во Канадскиот колеџ за традиционална кинеска медицина. „Во Канада, со многу поретка население и повисок санитарен стандард, во истиот период се пријавени над 1.900 смртни случаи. Очигледно е дека Кина ја сокрива вистината.“

Од почетокот на пандемијата, КПК постојано е обвинувана за прикривање на бројот на починати и на потеклото на вирусот. Вирусот првпат се појави во Вухан кон крајот на 2019 година. Иако Кина упорно ја негираше лабораториската теорија, администрацијата на Доналд Трамп во 2020 година официјално ја прифати како најверојатно објаснување за потеклото на вирусот, потврдувајќи го она што многумина го тврдеа од почетокот.

Американскиот Центар за контрола и превенција на болести (CDC) потврди дека до денес во САД се регистрирани помалку од 20 случаи на NB.1.8.1, што не е доволно за да се појави на нивната официјална платформа за следење. И покрај тоа, останува загриженоста дека, како и во минатото, податоците можеби не ја одразуваат целосната слика – особено кога станува збор за земји под диктатура и цензура како што е Кина.

Светот веќе плаќа висока цена за молкот на Пекинг. Меѓународната заедница мора итно да побара транспарентност и одговорност од кинеските власти за да се избегне повторување на истата трагична приказна.