Трамп изрази длабоко разочарување од Путин и најави нова воена поддршка за Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп изрази длабоко разочарување од Путин и најави нова воена поддршка за Украина

14 јули 2025

• од Станча Јаќимовски

Американскиот претседател Доналд Трамп изјави дека е „многу разочаран“ од рускиот претседател Владимир Путин, посочувајќи дека очекувал поголема искреност од него. Изјавата дојде за време на разговор со новинари по неговото враќање од финалето на Светското клупско првенство во фудбал.

„Мислев дека тој е човек што стои зад своите зборови. Не очекував дека ќе зборува толку убаво, а потоа ќе започне да бомбардира луѓе навечер. Тоа не ни се допаѓа“, рече Трамп, критикувајќи ја руската воена агресија.

Трамп објави дека САД ќе испратат дополнителни противвоздушни ракети „Патриот“ во Украина, за кои, како што рече, Киев „очајно има потреба“. Тој додаде дека трошоците за испораката ќе ги покрие Европската Унија. „Ние нема да платиме ништо. Ние ќе ги испратиме. Тоа ќе биде бизнис за нас“, изјави Трамп.

На прашање дали ќе воведе нови санкции против Русија, Трамп не даде конкретен одговор. Сепак, минатата недела најави дека во понеделник ќе даде „важно соопштение за Русија“, без да прецизира детали.

Според американскиот портал Axios, Трамп планира да објави нов план за испорака на оружје на Украина, кој покрај „Патриот“-системите, ќе вклучува и офанзивно вооружување. Анонимни извори информирале дека се размислува за ракети со долг дострел, кои би можеле да погодуваат цели длабоко во руска територија, вклучително и Москва. Засега не е донесена конечна одлука, според Axios.

„Путин навистина го налути Трамп. Неговата изјава утре ќе биде многу остра“, изјавил сенаторот Линдзи Греам за Axios.

Се очекува Трамп да го претстави планот на претстојната средба со генералниот секретар на НАТО, Марк Руте. Исто така, американската воена поддршка за Украина ќе се финансира преку модел предложен од украинскиот претседател Володимир Зеленски на самитот на НАТО во јуни, со кој европските партнери преземаат финансиски товар.

„Ќе им испратиме 'Патриот', бидејќи Путин изненади многумина. Тој зборува мазно, а потоа навечер почнува да бомбардира. Но има еден мал проблем – тоа не ми се допаѓа“, изјави Трамп во неделата.

„Во основа, ќе им испратиме разновидна и многу напредна воена опрема. Европјаните ќе платат 100%“, додаде тој.

Оваа изјава на Трамп сигнализира потенцијално поостар пристап кон Русија и засилена американска воена поддршка за Украина во контекст на сè поинтензивниот конфликт.