Трамп: Мировните преговори за Украина се приближуваат кон решение

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп: Мировните преговори за Украина се приближуваат кон решение

19 декември 2025

• од Станча Јаќимовски

Претседателот на САД, Доналд Трамп, изјави дека преговорите за ставање крај на војната во Украина „се приближуваат кон нешто“, во очекување на средбата меѓу американски и руски претставници закажана за овој викенд, јавува агенцијата Ројтерс.

Говорејќи пред новинарите за време на настан во Овалната канцеларија, Трамп изрази надеж дека Украина ќе реагира навремено. „Се надевам дека Украина ќе постапи брзо“, рече тој, алудирајќи на моменталниот развој на ситуацијата на бојното поле.

Според најавите, специјалните пратеници на Трамп, Стив Виткоф и Џаред Кушнер, ќе се сретнат со руска делегација во Мајами овој викенд. Средбата е дел од интензивните дипломатски напори на Вашингтон да издејствува мировен договор меѓу Русија и Украина, со цел прекин на руската инвазија.

Претходно, Виткоф и Кушнер одржаа дводневни разговори со украинска делегација во Берлин. По средбите, американските претставници соопштија дека имаат впечаток оти ставовите на двете страни се поблиску отколку што се очекувало, иако најспорното прашање – барањето на Русија за територијални отстапки од Украина – останува нерешено.

Истражувањата на јавното мислење во Украина покажуваат дека мнозинството граѓани не се подготвени да прифатат отстапување на територии, што воедно е и клучен услов на Москва за запирање на војната. Од руската страна, пак, засега нема јасни сигнали за подготвеност за компромис.

„Се надевам дека Украина ќе постапи брзо, бидејќи Русија е таму“, изјави Трамп, во очигледна референца на неодамнешните руски воени успеси.

Во рамки на можните решенија, се разгледува и предлог Украина да добие безбедносни гаранции моделирани според членот 5 од договорот на НАТО за колективна одбрана. Таквиот потег би претставувал преседан и би имал за цел да обезбеди долгорочна стабилност и безбедност по евентуалното постигнување мировен договор.