Трамп: Не мислам дека е неопходно по Мадуро да се апси и Путин

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп: Не мислам дека е неопходно по Мадуро да се апси и Путин

10 јануари 2026

• од Станча Јаќимовски

Претседателот на Соединетите Американски Држави, Доналд Трамп, изјави во петокот пред новинарите дека не смета оти е неопходно да се апси рускиот претседател Владимир Путин, по примерот на неодамнешната акција во Венецуела.

Изјавата дојде како одговор на прашање од новинарите дали САД би размислиле за сличен потег и кон Русија, откако венецуелскиот претседател Николас Мадуро беше уапсен во дрска операција во Каракас, пренесува Си-Би-Ес.

„Секогаш сум имал одлични односи со него. Многу сум разочаран. Успеав да посредувам во решавање на осум војни. Мислев дека војната во Украина ќе биде средно тешка или можеби една од полесните“, изјави Трамп.

Американскиот претседател додаде дека останува оптимист во однос на можноста за ставање крај на руската агресија врз Украина.

Во меѓувреме, Трамп ги повика големите енергетски компании да се вклучат во обновата и развојот на нафтената инфраструктура на Венецуела. За таа цел, тој свика состанок во Белата куќа, на кој ги повика раководителите на водечките нафтени и гасни компании да инвестираат милијарди долари во експлоатација на огромните нафтени резерви на земјата.

На состанокот, кој се одржа во Источната сала на Белата куќа, присуствуваа претставници на компании како „Шеврон“, „ЕксонМобил“, „КонокоФилипс“, како и повеќе од десет други компании од нафтено-гасниот сектор.

Состанокот се одржа помалку од една недела по апсењето на венецуелскиот претседател Николас Мадуро, што претставува значаен пресврт во американската политика кон Венецуела.