Трамп реагира на руските дронови во Полска: „Да започнеме!“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп реагира на руските дронови во Полска: „Да започнеме!“

11 септември 2025

• од Станча Јаќимовски

Американскиот претседател Доналд Трамп се огласи по повод инцидентот со руските дронови кои навлегоа во полскиот воздушен простор. Во кратка објава на неговата социјална мрежа Truth Social, пренесува БТА, Трамп напиша во речиси неформален тон:
„Што се случува со Русија, која го нарушува полското воздушно пространство со дронови? Да започнеме!“

Ова е неговата прва јавна реакција откако беше објавено дека сили на НАТО помогнале при пресретнувањето на дроновите, кои според западни извори биле намерно испратени од Русија во текот на ноќта.

Полска активира одбрана и бара реакција од НАТО

Премиерот на Полска, Доналд Туск, порача дека земјата ја активирала и националната и сојузничката противвоздушна одбрана за да ги собори леталата што навлегле на нејзина територија по руската ракетна офанзива врз Западна Украина.

Вицепремиерот Кшищоф Гавковски го нарече нарушувањето на воздушниот простор „акт на агресија“ и „планиран потег од Русија“. Варшава побара свикување на консултации по Член 4 од Договорот на НАТО, што се активира во случај на закана за безбедноста на земја-членка.

Москва негира вмешаност

Од друга страна, Москва ги отфрли обвинувањата дека нападите биле насочени кон Полска. Министерството за одбрана на Русија изјави дека не планирало дејствија против полски цели, а рускиот шарже д’афер во Варшава го обвини полското раководство за „антируска реторика“, тврдејќи дека дроновите потекнувале од Украина.

Очекуван разговор меѓу Трамп и Навроцки

Белата куќа информираше дека подоцна во текот на денот претседателот Трамп ќе оствари телефонски разговор со неговиот полски колега, Карол Навроцки. Очекувањата се дека темата ќе биде токму безбедносната ситуација и координацијата во рамките на НАТО.