Трамп: Санкции за Русија ако нема договор за Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп: Санкции за Русија ако нема договор за Украина

23 август 2025

• од Тодор Вангелов

Американскиот претседател Доналд Трамп во петокот ја обнови својата закана дека ќе воведе санкции против Русија доколку не се направи напредок во постигнувањето мировен договор со Украина, во услови на зголемени тензии меѓу Москва и Вашингтон.

Трамп, зборувајќи пред новинарите во Белата куќа, остави рок од две недели на рускиот претседател Владимир Путин да покаже поголема подготвеност за прекин на инвазијата врз Украина. Засега, Москва не понуди никакви отстапки за примирје и продолжува да бара дополнителни територијални концесии од Киев.

„Ќе донесам одлука за тоа што ќе направиме, и тоа ќе биде многу важна одлука – дали ќе бидат масивни санкции, масивни царини или и двете, или пак да не направиме ништо и да кажеме дека тоа е ваша борба,“ изјави Трамп.

Украинскиот претседател Володимир Зеленски исто во петок го обвини Кремљ дека намерно ги одолговлекува мировните преговори за да избегне американски санкции, со кои Трамп се закани не само кон Русија, туку и кон нејзините трговски партнери доколку не покаже напор за прекин на огнот.

Напад на руска авијација во четвртокот погоди американска фабрика за електроника што работи во западна Украина, при што најмалку 15 лица беа повредени, според украинските власти. На прашање околу нападот, Трамп рече: „Не сум задоволен од тоа, како што не сум задоволен од ништо поврзано со таа војна.“

„Во следните две недели ќе видиме во кој правец ќе тргнат работите. А јас морам да бидам многу задоволен,“ додаде Трамп.

Американскиот претседател во изминатите две недели вложи значителни дипломатски напори да стави крај на војната во Украина, но досега не успеа да го убеди Кремљ на отстапки. Москва сè уште бара Украина да се откаже од големи делови од источниот регион Донбас, што Киев категорично го одбива.

На почетокот на месецов, Трамп се сретна со Путин во Алјаска во обид да го убеди рускиот лидер да стави крај на инвазијата. Потоа, во понеделникот во Белата куќа, тој организираше средба со европските лидери, меѓу кои и Зеленски, за да се разговара за изгледите за мировен договор.

Набргу потоа, Трамп најави дека е во подготовка билатерална средба меѓу Путин и Зеленски. Но, рускиот министер за надворешни работи Сергеј Лавров во петокот изјави дека таков самит не е во план, бидејќи „агендата за таква средба воопшто не е подготвена“.

Финскиот претседател Александар Стаб, кој присуствуваше на разговорите во Овалната сала, за финската телевизија YLE TV1 во саботата изјави дека трпението на Вашингтон кон Москва изгледа „брзо се троши“.