Трамп со „последно предупредување“ до Хамас: Израел ги прифати условите за американскиот мировен план

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп со „последно предупредување“ до Хамас: Израел ги прифати условите за американскиот мировен план

08 септември 2025

• од Тодор Вангелов

Американскиот претседател Доналд Трамп во испрати јасна и цврста порака до терористичката организација Хамас: прифатете го мировниот договор што Вашингтон го посредуваше или соочете се со последиците. Израел, според Белата куќа, веќе се согласил на условите.

Преку објава на „Truth Social“, Трамп порача: „Сите сакаат заложниците ДА СЕ ВРАТАТ ДОМА. Сите сакаат оваа војна да заврши! Ова е моето последно предупредување. Нема да има друго.“

Специјалниот пратеник на САД, Стивен Виткоф, во неделата официјално го предаде предлогот до раководството на Хамас. Според дипломатски извори, предлогот вклучува крај на израелската воена операција, но само под услов сите заложници веднаш да бидат ослободени. За возврат, Израел би ослободил до 3.000 палестински затвореници.

Во моментов во Газа се држат 48 заложници, од кои според информации околу 20 се сè уште живи.

Ова не е првпат Трамп да испрати вакво ултимативно предупредување. Веќе во март тој даде слична порака, но сега со одлучниот тон ја зголемува меѓународната и јавна пресија врз Хамас.

Американската администрација уверува дека овој договор е единствената реална можност за траен прекин на конфликтот, кој долги години ја потресува регијата. Израелската влада ја потврди подготвеноста за компромис во рамките на американскиот план, гледајќи го како пат кон стабилност и мир.

Со силна поддршка за Израел и со цврста позиција против терористичките организации, Вашингтон уште еднаш демонстрира дека останува клучен фактор и единствен веродостоен посредник за мир на Блискиот Исток.