Тренчевска: Безобразлук и беземпатија од ВМРО-ДПМНЕ кон настраданите од Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Тренчевска: Безобразлук и беземпатија од ВМРО-ДПМНЕ кон настраданите од Кочани

23 јуни 2025

• од Станча Јаќимовски

Пратеничката на СДСМ, Јованка Тренчевска, остро реагираше на денешното однесување на пратениците од ВМРО-ДПМНЕ во македонското Собрание, поради блокирањето на разгледувањето на Предлог-законот за настраданите од пожарот во Кочани.

Според Тренчевска, на денешната седница на Комисијата за труд и социјална политика, пратениците од ВМРО-ДПМНЕ не дозволиле точката за настраданите да биде прва на дневниот ред. Наместо тоа, како што тврди таа, истата била ставена дури под реден број 12, а седницата била прекината во моментот кога требало да започне расправата по оваа точка.

„Се покажа вистинското лице на ДПМНЕ! Без грам чувство кон настраданите и нивните семејства, Благица Ласовска, која претседаваше со Комисијата, ја прекина седницата само за да не се расправа за Законот. Тоа е безобразлук и немање основна почит кон луѓето кои поминаа низ трагедија“, истакна Тренчевска во својата објава.

Таа нагласи дека ваквото однесување е показател за, како што вели, ароганцијата на ВМРО-ДПМНЕ и нивната неспособност да покажат грижа за народот.

„Ете вака ДПМНЕ се грижи за настраданите и нивните семејства – со блокади, со игнорирање и со приоритет на сопствените интереси и бизниси“, додаде Тренчевска.

Седницата на Комисијата останува прекината, а семејствата од Кочани кои претрпеа загуби во неодамнешниот пожар сè уште чекаат институционална поддршка и решение.