Украина се соочува со недостиг од ракети за ПВО системите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Украина се соочува со недостиг од ракети за ПВО системите

24 декември 2025

• од Станча Јаќимовски

Украина се пожали на сериозен недостиг од ракети за своите системи за противвоздушна одбрана, и покрај тоа што украинските воздухопловни сили успеале да одбијат речиси целосно еден од најмасовните руски напади во последно време.

Портпаролот на украинските воздухопловни сили, Јуриј Игнат, изјави дека украинските пилоти на ловци Ф-16 собориле речиси сите руски крстосувачки ракети лансирани за време на масовниот напад во вторникот, пренесува BBC. Според него, од вкупно 35 крстосувачки ракети, 34 биле уништени, најголемиот дел токму од авионите Ф-16.

Игнат додаде дека руските аеробалистички ракети „Кинжал“, иако не биле пресретнати од системот „Патриот“, сепак не ги погодиле своите цели. „Им благодариме на нашите храбри пилоти за нивната ефикасност“, нагласи тој во изјава за украинската телевизија.

Сепак, и покрај успешната одбрана, Игнат предупреди дека Украина се соочува со сериозен недостиг од ракети – и од типот „воздух-воздух“, и од оние што ги користат копнените системи за противвоздушна одбрана. Тој истакна дека ова прашање постојано го нагласуваат пилотите, военото раководство, како и претседателот на Украина, кој пред меѓународните партнери апелира за итно зајакнување на ПВО системите и обезбедување дополнителни ракети. „Некои системи во моментов се без муниција“, предупреди Игнат.

Според украинските воздухопловни сили, Русија во вторникот извршила напад со повеќе од 650 дронови и над триесетина ракети. Украинската одбрана тврди дека уништила или неутрализирала 621 воздушна цел, меѓу кои 587 беспилотни летала и 34 крстосувачки ракети. Погодоци се регистрирани на 21 локација, додека остатоци од соборени цели паднале на уште осум места.

Нападите во Киевската, Хмелницката и Житомирската област одзедоа најмалку три животи и предизвикаа сериозни прекини во снабдувањето со електрична енергија. Во Ровенската, Тернополската и Хмелницката област струјата беше речиси целосно прекината, а поради оштетувања на енергетската инфраструктура, украинските нуклеарни електрани беа принудени да го намалат производството.